ടെ​സ്റ്റ് ഡ്രൈ​വി​ന്​ കൊ​ടു​ത്ത ലക്ഷങ്ങൾ വരുന്ന ബൈക്കുമായി മുങ്ങി : യുവാവ് അറസ്റ്റിൽ

തൃ​ശൂ​ർ: ടെ​സ്റ്റ് ഡ്രൈ​വി​ന്​ കൊ​ടു​ത്ത ലക്ഷങ്ങൾ വരുന്ന ബൈക്കുമായി മുങ്ങിയ യുവാവ് പൊലീസ് പിടിയിൽ. ആ​ല​പ്പു​ഴ തു​റ​വൂ​ർ കു​ത്തി​യ​തോ​ട് തി​രു​മ​ല ഭാ​ഗം ക​ള​ത്തി​ൽ വി​ഷ്ണു ​ശ്രീ​കു​മാ​റി​നെ (32) ആ​ണ് പിടികൂടിയത്. ഇ​രു​ച​ക്ര വാ​ഹ​ന ഷോ​റൂ​മി​ൽ ​നി​ന്ന് ടെ​സ്റ്റ് ഡ്രൈ​വി​ന്​ കൊ​ടു​ത്ത 2.12 ല​ക്ഷം രൂ​പ വി​ല​വ​രു​ന്ന പു​തി​യ മോ​ഡ​ൽ എ​ൻ​ഫീ​ൽ​ഡ് മോ​ട്ടോ​ർ​സൈ​ക്കി​ളു​മാ​യിട്ടാണ് ഇയാൾ മു​ങ്ങി​യ​ത്.

ഇ​ക്ക​ഴി​ഞ്ഞ മേ​യ് എ​ട്ടി​നാ​ണ് സം​ഭ​വം. തൃ​ശൂ​രി​ലെ ബൈ​ക്ക് ഷോ​റൂ​മി​ലേ​ക്ക് ഇ​യാ​ൾ വി​ളി​ക്കു​ക​യും പു​തി​യ മോ​ഡ​ൽ ബൈ​ക്കു​ക​ളു​ടെ വി​ല​ തി​ര​ക്കു​ക​യും ചെ​യ്തി​രു​ന്നു. തു​ട​ർ​ന്ന്, ടെ​സ്റ്റ് ഡ്രൈ​വ് ന​ട​ത്ത​ണ​മെ​ന്ന് പ​റ​ഞ്ഞ് അ​യാ​ൾ നി​ന്നി​രു​ന്ന ഹോ​ട്ട​ലി​ന് സ​മീ​പ​ത്തേ​ക്ക് ബൈ​ക്ക് കൊ​ണ്ടു​വ​ര​ണ​മെ​ന്നും ആ​വ​ശ്യ​പ്പെ​ട്ടു.

Read Also : ‘സർക്കാർ – എസ്എഫ്ഐ വിരുദ്ധ പ്രചാരണം നടത്തിയാൽ ഇനിയും കേസെടുക്കും’: പ്രതികരണവുമായി എംവി ഗോവിന്ദൻ

ബൈ​ക്ക് ഷോ​റൂം ജീ​വ​ന​ക്കാ​ര​ൻ ഉ​ട​ൻ ത​ന്നെ പു​തി​യ മോ​ഡ​ൽ ബൈ​ക്കു​മാ​യി എ​ത്തു​ക​യും ടെ​സ്റ്റ് ഡ്രൈ​വി​ന് ന​ൽ​കു​ക​യു​മാ​യി​രു​ന്നു. ബൈ​ക്കു​മാ​യി ക​ട​ന്നു​ക​ള​ഞ്ഞ ഇ​യാ​ൾ ഏ​റെ നേ​ര​മാ​യി തി​രി​ച്ചു​വ​രാ​തി​രു​ന്ന​തി​നെ​ത്തു​ട​ർ​ന്ന് ച​തി മ​ന​സ്സി​ലാ​ക്കി​യ ഷോ​റൂം ജീ​വ​ന​ക്കാ​ർ ഈ​സ്റ്റ് പൊ​ലീ​സ് സ്റ്റേ​ഷ​നി​ൽ പ​രാ​തി ന​ൽ​കു​ക​യാ​യി​രു​ന്നു.

ടൗ​ൺ ഈ​സ്റ്റ് പൊ​ലീ​സ് സ്റ്റേ​ഷ​ൻ ഇ​ൻ​സ്പെ​ക്ട​ർ സി. ​അ​ല​വി​യു​ടെ നേ​തൃ​ത്വ​ത്തി​ലു​ള്ള പൊ​ലീ​സ് സം​ഘം ആണ് പ്രതിയെ അ​റ​സ്റ്റ് ചെ​യ്ത​ത്. പ്ര​തി​യെ പി​ടി​കൂ​ടി​യ സം​ഘ​ത്തി​ൽ ടൗ​ൺ ഈ​സ്റ്റ് പൊ​ലീ​സ് സ്റ്റേ​ഷ​ൻ ഇ​ൻ​സ്പെ​ക്ട​ർ സി. ​അ​ല​വി​യെ കൂ​ടാ​തെ, സ​ബ് ഇ​ൻ​സ്പെ​ക്ട​ർ എ​ൻ.​ബി. സു​നി​ൽ​കു​മാ​ർ, അ​സി. സ​ബ് ഇ​ൻ​സ്പെ​ക്ട​ർ വി​ല്ലി​മോ​ൻ, സി.​പി.​ഒ​മാ​രാ​യ പി. ​ഹ​രീ​ഷ് കു​മാ​ർ, വി.​ബി. ദീ​പ​ക്, സൈ​ബ​ർ സെ​ൽ സി.​പി.​ഒ​മാ​രാ​യ കെ. ​ശ​ര​ത്, കെ.​എ​സ്. നി​തി​ൻ എ​ന്നി​വ​രും ഉ​ണ്ടാ​യി​രു​ന്നു. പ്രതിയെ കോടതിയിൽ ഹാജരാക്കും.