കൊച്ചി: അന്ധികൃതമായി സ്വത്ത് സമ്പാദിക്കുന്നുവെന്ന ആരോപണം നേരിടുന്നതിനിടെ വീണ്ടും 50 ലക്ഷത്തിന്റെ മിനി കൂപ്പര്‍ സ്വന്തമാക്കി സിഐടിയു നേതാവ്. പെട്രോളിയം ആന്റ് ഗ്യാസ് വര്‍ക്കേഴ്സ് യൂണിയന്‍ നേതാവായ പി.കെ അനില്‍കുമാറാണ് ആഡംബര കാര്‍ സ്വന്തമാക്കിയത്. ഇന്‍ഡ്യന്‍ ഓയില്‍ കോര്‍പ്പറേഷന്‍ ഉദ്യോഗസ്ഥയായ ഭാര്യയാണ് കാര്‍ വാങ്ങിയതെന്നാണ് പി.കെ അനില്‍കുമാറിന്റെ വിശദീകരണം.
സിഐടിയുവിന് കീഴിലുള്ള കേരള പെട്രോളിയം ആന്റ് ഗ്യാസ് വര്‍ക്കേഴ്സ് യൂണിയന്‍ സംസ്ഥാന സെക്രട്ടറിയായ അനില്‍കുമാര്‍ വാഹനം സ്വന്തമാക്കിയതിന്റെ ചിത്രങ്ങള്‍ പ്രചരിച്ചതോടെയാണ് നേതാവിന്റെ ആഡംബര ജീവിതം വീണ്ടും ചര്‍ച്ചയായത്. എന്നാല്‍, വാഹനം വാങ്ങിയത് താനല്ല, തന്റെ ഭാര്യ ആണെന്നാണ് പി.കെ അനില്‍കുമാര്‍ ആവര്‍ത്തിച്ചു പറയുന്നത്. അതേസമയം അനില്‍കുമാര്‍ ആഡംബര കാര്‍ സ്വന്തമാക്കിയതില്‍ പരാതി കിട്ടിയിട്ടില്ലെന്നും എന്നാല്‍ ഇക്കാര്യം പരിശോധിക്കുമെന്നുമാണ് സിഐടിയു നേതൃത്വം വ്യക്തമാക്കിയിട്ടുണ്ട്. മിനി കൂപ്പറിന് മുന്‍പ് ടോയോട്ട ഇന്നോവ, ഫോര്‍ച്യൂണര്‍ വാഹനങ്ങളും അനില്‍കുമാര്‍ സ്വന്തമാക്കിയിട്ടുണ്ട്.
Post Your Comments