പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി​യെ ലൈം​ഗി​ക​മാ​യി പീ​ഡി​പ്പി​ച്ചു : പ്ര​തി​ക്ക് 12 വ​ർ​ഷം ത​ട​വും പി​ഴ​യും

കാ​ഞ്ഞ​ങ്ങാ​ട്: പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി​യെ ലൈം​ഗി​ക​മാ​യി പീ​ഡി​പ്പി​ച്ച കേ​സി​ൽ പ്ര​തി​ക്ക് 12 വ​ർ​ഷം ത​ട​വും 15,000 രൂ​പ പി​ഴ​യും ശി​ക്ഷ വി​ധി​ച്ച് കോ​ട​തി. ബ​ളാ​ൽ ചു​ള്ളി സി.​വി.​കോ​ള​നി​യി​ലെ വി. ​ബി​ജു​വി​നെ​യാ​ണ് (37) കോടതി ശി​ക്ഷി​ച്ച​ത്. ഹോ​സ്ദു​ർ​ഗ് ഫാ​സ്റ്റ്ട്രാ​ക് സ്പെ​ഷ​ൽ കോ​ർ​ട്ട് ജ​ഡ്ജ് സി. ​സു​രേ​ഷ്‌​കു​മാ​റാ​ണ് ശി​ക്ഷ വി​ധി​ച്ച​ത്. പി​ഴ​യ​ട​ച്ചി​ല്ലെ​ങ്കി​ൽ ആ​റു മാ​സം അ​ധി​ക ത​ട​വും ശി​ക്ഷ വി​ധി​ച്ചിട്ടുണ്ട്.

Read Also : പാര്‍ലമെന്റ് മന്ദിരത്തില്‍ മുഴങ്ങി കേട്ടത് ഹിന്ദു,ബുദ്ധ,ജൈന,ക്രൈസ്തവ,ഇസ്ലാം,സിക്ക്,ജൂത,ബഹായി മതങ്ങളിലെ പ്രാര്‍ത്ഥനകള്‍

2021 ഒ​ക്ടോ​ബ​റി​ൽ ആണ് കേസിനാലസ്പദമായ സംഭവം നടന്നത്. 13 വ​യ​സ്സു​ള്ള പെ​ൺ​കു​ട്ടി​യെ പീ​ഡി​പ്പി​ച്ച കേ​സി​ലാണ് കോടതി ബിജുവിനെ ശിക്ഷിച്ചത്. ഇ​ന്ത്യ​ൻ ശി​ക്ഷ നി​യ​മവും പോ​ക്സോ വ​കു​പ്പ് പ്ര​കാ​ര​വു​മാ​ണ് ശി​ക്ഷ. ശി​ക്ഷ ഒ​ന്നി​ച്ച​നു​ഭ​വി​ച്ചാ​ൽ മ​തി.

അ​മ്പ​ല​ത്ത​റ പൊ​ലീ​സ് സ്റ്റേ​ഷ​നി​ൽ ര​ജി​സ്റ്റ​ർ​ ചെ​യ്ത കേ​സി​ൽ അ​ന്വേ​ഷ​ണം ന​ട​ത്തി കോ​ട​തി​യി​ൽ പ്ര​തി​ക്കെ​തി​രെ കു​റ്റ​പ​ത്രം സ​മ​ർ​പ്പി​ച്ച​ത് സ​ബ് ഇ​ൻ​സ്‌​പെ​ക്ട​റാ​യി​രു​ന്ന ബാ​ബു തോ​മ​സാ​ണ്. പ്രോ​സി​ക്യൂ​ഷ​നു​വേ​ണ്ടി ഹോ​സ്ദു​ർ​ഗ് സ്പെ​ഷ​ൽ പ​ബ്ലി​ക്ക് പ്രോ​സി​ക്യൂ​ട്ട​ർ എ.​ഗം​ഗാ​ധ​ര​ൻ ഹാ​ജ​രാ​യി.