കുറവിലങ്ങാട്: ഭാര്യയെ കൊലപ്പെടുത്താന്‍ ശ്രമിച്ച കേസില്‍ ഭര്‍ത്താവ് അറസ്റ്റിൽ. ഇലഞ്ഞി മുത്തോലപുരം ഇടവഴിക്കല്‍ ഇ.ആര്‍. ബോബി(43)യെയാണ് അറസ്റ്റ് ചെയ്തത്. കുറവിലങ്ങാട് പൊലീസ് ആണ് അറസ്റ്റ് ചെയ്തത്.
ശനിയാഴ്ച രാത്രിയോടെയാണ് കേസിനാസ്പദമായ സംഭവം. ഇയാളും ഭാര്യയും തമ്മില്‍ കുടുംബപരമായ പ്രശ്‌നങ്ങള്‍ ഉണ്ടായതോടെ ഭാര്യ തന്‍റെ സഹോദരിയുടെ വീട്ടിലേക്ക് മാറിയിരുന്നു. ഭാര്യ അവിടെ നിന്നു തിരികെ വരാത്തതിലുള്ള വിരോധം മൂലം ഇയാള്‍ ഉഴവൂര്‍ മുക്കട ഭാഗത്തുള്ള ഇവരുടെ വീട്ടില്‍ ചെല്ലുകയും കൈയില്‍ കരുതിയിരുന്ന വാക്കത്തി ഉപയോഗിച്ച് ഭാര്യയെ വെട്ടി പരിക്കേല്‍പ്പിക്കുകയുമായിരുന്നു.
തുടർന്ന്, പരാതിയുടെ അടിസ്ഥാനത്തിൽ കുറവിലങ്ങാട് പൊലീസ് കേസ് രജിസ്റ്റര്‍ ചെയ്യുകയും ഇയാളെ അറസ്റ്റ് ചെയ്യുകയുമായിരുന്നു. പ്രതിയെ കോടതിയിൽ ഹാജരാക്കി.
Post Your Comments