മലപ്പുറം: മകളെ പീഡിപ്പിച്ചു ഗർഭിണിയാക്കിയ മദ്രസ അധ്യാപകനായ പിതാവിനെ മൂന്ന് ജീവപര്യന്തം തടവിന് ശിക്ഷിച്ച് കോടതി. 6 ലക്ഷത്തി അറുപതിനായിരം രൂപ പിഴയും പ്രതിയ്ക്ക് കോടതി ശിക്ഷയായി വിധിച്ചു. പ്രായപൂർത്തിയാകാത്ത മകളെ പ്രതി പലതവണ ബലാത്സംഗം ചെയ്തിട്ടുണ്ട്. 2021 ൽ മലപ്പുറത്താണ് കേസിനാസ്പദമായ സംഭവം നടന്നത്.
2021 മാർച്ച് മാസം മാതാവ് വീട്ടിൽ ഇല്ലാത്ത സമയത്തായിരുന്നു പിതാവ് മകളെ ആദ്യമായി പീഡിപ്പിച്ചത്. മുറിയിൽ പഠിച്ചു കൊണ്ടിരുന്ന 14 കാരിയായ മകളെ ഇയാൾ വലിച്ചിഴച്ചു കൊണ്ടുപോയി പീഡിപ്പിക്കുകയായിരുന്നു. പിന്നീട് ഇയാൾ തുടർച്ചയായി മകളെ പീഡിപ്പിക്കുകയും ഇതതിനിടെ പെൺകുട്ടി ഗർഭിണിയാകുകയുമായിരുന്നു. പീഡനവിവരം പുറത്തറിയിച്ചാൽ ഉമ്മയെ കൊല്ലുമെന്ന് പറഞ്ഞ് ഇയാൾ ഭീഷണിപ്പെടുത്തുകയും ചെയ്തു. വഴിക്കടവ് പൊലീസ് 2021 ലാണ് സംഭവവുമായി ബന്ധപ്പെട്ട് കേസ് രജിസ്റ്റർ ചെയ്തത്.
Post Your Comments