വൈക്കം: ബൈക്കും കാറും കൂട്ടിയിടിച്ചുണ്ടായ അപകടത്തിൽ ഗുരുതരമായി പരിക്കേറ്റ് ചികിത്സയിലായിരുന്ന യുവാവ് മരിച്ചു. വൈക്കം മുരിയൻകുളങ്ങര ബോഡി ഫിറ്റ് ജിംനേഷ്യം ഉടമ പുലിപ്രയിൽ മൃദുലാ(അപ്പു – 30)ണ് മരിച്ചത്.
ശനിയാഴ്ച രാത്രി 8.30-നു തൃപ്പൂണിത്തുറയിലായിരുന്നു അപകടം നടന്നത്. മൃദുൽ സഞ്ചരിച്ച ബൈക്ക് കാറുമായി കൂട്ടിയിടിക്കുകയായിരുന്നു. ഇടിയുടെ ആഘാതത്തിൽ റോഡിലേക്ക് തെറിച്ചുവീണ യുവാവ് പിന്നാലെ വന്ന ടോറസ് ലോറിയുടെ അടിയിലകപ്പെട്ട് കാലിന് ഗുരുതരമായി പരിക്കേറ്റു. യുവാവിനെ ഉടൻ എറണാകുളത്തുള്ള സ്വകാര്യ ആശുപത്രിയിൽ എത്തിച്ച് ശസ്ത്രക്രിയ നടത്തിയെങ്കിലും ഇന്നലെ പുലർച്ചയോടെ ഹൃദയസ്തംഭനംമൂലം മരിക്കുകയായിരുന്നു.
മൃതദേഹം ബന്ധുക്കൾക്ക് കൈമാറി. പിതാവ് പരേതനായ മഞ്ജുനാഥ് പൈ. മാതാവ്: വിദ്യ. സംസ്കാരം പിന്നീട് നടക്കും.
Post Your Comments