മുംബൈ: ഗിന്നസ് റെക്കോർഡിൽ ഇടംനേടി വജ്രമോതിരം. 50,907 വജ്രങ്ങൾ കൊണ്ടാണ് നിർമ്മിച്ച മോതിരമാണ് ഗിന്നസ് റെക്കോർഡിൽ ഇടംനേടിയത്. മുംബൈ ആസ്ഥാനമായുള്ള ഒരു ജ്വല്ലറി ഗ്രൂപ്പാണ് മോതിരം നിർമ്മിച്ചത്. ലോകത്തിലെ ഏറ്റവും അധികം വജ്രങ്ങൾ പതിപ്പിച്ച മോതിരം എന്ന റെക്കോർഡാണ് ഈ വജ്രമോതിരം നേടിയത്.
ഉപഭോക്താക്കൾ തിരികെ വിറ്റ സ്വർണ്ണവും വജ്രങ്ങളും ഉപയോഗിച്ചാണ് ഈ മോതിരം പൂർണമായും നിർമ്മിച്ചിരിക്കുന്നത്. മോതിരത്തിന് ആകെ 8 ഭാഗങ്ങളാണുള്ളത്, അതിൽ 4 പാളി ദളങ്ങൾ, ശങ്ക്, 2 ഡയമണ്ട് ഡിസ്‌കുകൾ, ചിത്രശലഭം എന്നിവ ഉൾപ്പെടുന്നു. ഓരോ വജ്രവും വിദഗ്ധരുടെ ഒരു സംഘം കൈകൊണ്ട് നിർമ്മിച്ചതാണ്. ഏകദേശം 6,42,22,943.35 ഇന്ത്യൻ രൂപയാണ് മോതിരത്തിന്റെ മൂല്യം. ഒരു സൂര്യകാന്തി പൂവിനു മുകളിൽ ഇരിക്കുന്ന ചിത്രശലഭത്തിന്റെ ഡിസൈനാണ് മോതിരത്തിനുള്ളത്.
Post Your Comments