തൊഴിൽ ദിനം ഇന്ത്യയിൽ പൊതു അവധിയാക്കണമെന്ന് ആവശ്യപ്പെട്ടത് ആര്? ആദ്യ മേയ് ദിനം ആഘോഷിച്ചത് എവിടെ?

നമ്മുടെ തൊഴിലിന്റെ മഹത്വത്തെയും തൊഴിലാളിയുടെ അവകാശങ്ങളെയും ഓർമ്മപ്പെടുത്തി വീണ്ടുമൊരു തൊഴിൽ ദിനം കൂടി വരുന്നു. 1886 ൽ നടന്ന അമേരിക്കയിലെ ഇല്ലിനോയിസിലും ചിക്കാഗോയിലും ‘ഹേ മാർക്കറ്റ്’ കലാപത്തിന്‍റെ സ്മരണ പുതുക്കലായാണ് വർഷം തോറും തൊഴിലാളി ദിനം ആചരിക്കുന്നത്. നമ്മൾ ഓരോരുത്തരുടെയും തൊഴിലിനും തൊഴിൽ അവകാശങ്ങൾക്കും രാജ്യത്തിന്‍റേയോ, ഭാഷയുടേയോ, അതിർവരമ്പുകളില്ലെന്നും, തൊഴിലാളികളുടേയെല്ലാം അടിസ്ഥാന പ്രശ്‌നം ഒന്നും തന്നെയാണെന്നും ഓർമ്മപ്പെടുത്തുന്ന ദിനം കൂടിയാണ് വരുന്നത്.

ആംസ്റ്റർഡാമിൽ നടന്ന ഇന്റർനാഷണൽ സോഷ്യലിസ്റ്റ് കോൺഫറൻസിന്റെ വാർഷിക യോഗത്തിലാണ്, എട്ടു മണിക്കൂർ ജോലി സമയമാക്കിയതിന്റെ വാർഷികമായി മേയ് ഇന്നാം തീയതി തൊഴിലാളി ദിനമായി ആഘോഷിക്കുവാൻ തീരുമാനിച്ചത്, ഇന്ത്യയിൽ 1923ൽ മദ്രാസിലാണ് ആദ്യമായി മേയ് ദിനം ആഘോഷിക്കുന്നത്. കൂടാതെ, മറുമലർച്ചി ദ്രാവിഡ മുന്നേട്ര കഴകം ജനറൽ സെക്രട്ടറി വൈക്കോ ആണ് തൊഴിൽ ദിനം പൊതു അവധിയാക്കണമെന്ന് പ്രധാനമന്ത്രിയായിരുന്ന വി.പി.സിങ്ങിനോട് ആവശ്യപ്പെട്ടത്, അതിനുശേഷമാണ് മേയ് 1 ഇന്ത്യയിൽ പൊതു അവധിയായത്.

ഓരോ കാലഘട്ടത്തിലും പുതിയ പുതിയ തൊഴിലവസരങ്ങള്‍ ഉയരുമ്പോള്‍ ആ തൊഴിലിടങ്ങളെല്ലാം തൊഴിലാളി സൗഹൃദമാകേണ്ടത് കാലഘട്ടത്തിന്‍റെ കൂടി അനിവാര്യതയായി മാറുന്നു. ഒരു ദിനാചരണം എന്നതിനപ്പുറം തൊഴിലാളികള്‍ അവരുടെ അവകാശങ്ങളെ കുറിച്ചുള്ള ബോധ്യം നിരന്തരം പുതുക്കിയില്ലെങ്കില്‍ ഓരോ കാലഘട്ടത്തിലും തൊഴിലാളി സമരങ്ങള്‍ക്ക് നേതൃത്വം നല്‍കാന്‍ തൊഴിലാളികള്‍ സംഘടിച്ച് കൊണ്ടേയിരിക്കേണ്ടിവരും.