കടയ്ക്കൽ: എം.ഡി.എം.എ കടത്ത് ഉൾപ്പെടെ ഒമ്പതോളം ക്രിമിനൽ കേസുകളിൽ പ്രതിയായ യുവാവ് അറസ്റ്റിൽ. കിണറ്റുമുക്ക് സ്വദേശിയായ കൊട്ടച്ചി നവാസാണ് (34) അറസ്റ്റിലായത്. കടയ്ക്കൽ പൊലീസ് ആണ് കാപ്പ ചുമത്തി അറസ്റ്റ് ചെയ്തത്.
കഴക്കൂട്ടം വാമനപുരം, ചടയമംഗലം സ്റ്റേഷനുകളിൽ എം.ഡി.എം.എ കേസുകളും അഞ്ചൽ ചടയമംഗലം, കടയ്ക്കൽ സ്റ്റേഷനുകളിൽ മോഷണ കേസുകളും കടയ്ക്കലിൽ തന്നെ അടിപിടി കേസുകളിലും പ്രതിയാണ് നവാസ്. കഴിഞ്ഞ മാസമാണ് കഞ്ചാവ് വിൽപന നടത്തിയതിന് കടയ്ക്കൽ എസ്.ഐ ജ്യോതിഷ് അറസ്റ്റ് ചെയ്തത്.
ജില്ലാ കലക്ടർക്ക് റിപ്പോർട്ട് കൊടുത്തതിന്റെ അടിസ്ഥാനത്തിലാണ് ഇപ്പോൾ അറസ്റ്റിലായത്. ആറുമാസം തടവിലിടാനാണ് കാപ്പ പ്രകാരം ഉത്തരവ് ലഭിച്ചത്. തുടർന്ന്, പ്രതിയെ പൂജപ്പുര സെൻട്രൽ ജയിലിലേക്ക് മാറ്റി.
Post Your Comments