![](/wp-content/uploads/2023/04/24-image-2023-04-25t110442.394.jpg)
തൃശൂര്: തിരുവില്വമലയില് മൊബൈല് ഫോണ് പൊട്ടിത്തെറിച്ച് എട്ട് വയസുകാരി മരിച്ച സംഭവത്തില് ശാസ്ത്രീയ പരിശോധന നടത്തി റിപ്പോര്ട്ട് സമര്പ്പിക്കാന് നിര്ദേശം നല്കി മന്ത്രി കെ രാധാകൃഷ്ണന്. ജില്ലാ കളക്ടര്ക്കാണ് മന്ത്രി നിര്ദേശം നല്കിയത്.
ഇന്നലെ രാത്രി 10 മണിയോടെയാണ് പട്ടിപ്പറമ്പ് കുന്നത്ത് വീട്ടില് അശോക് കുമാറിന്റെ മകള് ആദിത്യശ്രീ (8) മൊബൈൽ പൊട്ടിത്തെറിച്ച് മരിച്ചത്.
തിരുവില്വാമല പുനര്ജനി ക്രെസ്റ്റ് ന്യൂ ലൈഫ് സ്കൂളില് മൂന്നാം ക്ലാസ് വിദ്യാര്ഥിയാണ് മരിച്ച ആദിത്യശ്രീ. മൊബൈല് ഫോണില് വീഡിയോ കാണുന്നതിനിടെ ഫോണ് പൊട്ടിത്തെറിക്കുകയായിരുന്നുവെന്നാണ് റിപ്പോര്ട്ട്. ഉഗ്രശബ്ദത്തോടെയാണ് ഫോണ് പൊട്ടിത്തെറിച്ചത്.
പൊട്ടിത്തെറിച്ച് മൊബൈല്ഫോണ് ഫോറന്സിക് പരിശോധനയ്ക്ക് അയച്ചിട്ടുണ്ട്.
Post Your Comments