കണ്ണൂർ: വീട് പൊളിച്ചുമാറ്റുന്നതിനിടെ ചുവരിടിഞ്ഞ് വീണ് പരിക്കേറ്റ് ചികിത്സയിലായിരുന്ന അഞ്ചുവയസ്സുകാരി മരിച്ചു. ജിസ ഫാത്തിമ ആണ് മരിച്ചത്. കണ്ണൂർ ഗവണ്മെന്റ് മെഡിക്കൽ കോളേജ് ആശുപത്രിയിൽ ചികിത്സയിൽ ആയിരുന്നു കുട്ടി.
ഇന്നലെ ഉച്ചയോടെ കണ്ണൂർ തളിപ്പറമ്പിലാണ് സംഭവം നടന്നത്. തളിപ്പറമ്പ് തിരുവട്ടൂർ അങ്കണവാടി റോഡിലെ അറാഫത്തിന്റെ വീട് പൊളിക്കുന്നതിനിടെയാണ് അപകടം സംഭവിച്ചത്. അറാഫത്തിന്റെ മകൻ പത്ത് വയസുകാരനായ ആദിലിനും ബന്ധുവായ ജിസ ഫാത്തിമക്കും ഗുരുതര പരിക്കേറ്റിരുന്നു.
Read Also : ചെക്ക്പോസ്റ്റില്‍ മയക്കുമരുന്ന് വേട്ട : ടൂറിസ്റ്റ് ബസില്‍ എംഡിഎംഎയുമായി നഴ്സിംഗ് വിദ്യാർത്ഥി അറസ്റ്റിൽ
തൊഴിലാളികള്‍ അകത്തുനിന്ന് ചുമര്‍ പൊളിക്കുകയായിരുന്നു. ഈ സമയം മുറ്റത്ത് കളിക്കുകയായിരുന്ന കുട്ടികളുടെ ദേഹത്ത് കല്ലും മണ്ണും വീഴുകയായിരുന്നു. ജിസ ഫാത്തിമയുടെ പരിക്ക് ഗുരുതരമായിരുന്നു. ആദിൽ ചികിത്സയിലാണ്.
മൃതദേഹം ബന്ധുക്കൾക്ക് കൈമാറി.
Post Your Comments