എരുമേലി: പ്രൈവറ്റ് ബസ് സ്റ്റാൻഡിൽ അവശ നിലയിൽ കിടന്ന തമിഴ്നാട് സ്വദേശിയായ വയോധികനെ ആശുപത്രിയിലാക്കി. നാട്ടുകാർ ആണ് വയോധികനെ ആശുപത്രിയിലെത്തിച്ചത്. ചികിത്സയിൽ കഴിയുന്ന ഇയാളുടെ ആരോഗ്യനില മെച്ചപ്പെട്ടുവരികയാണ്.
കഴിഞ്ഞ ദിവസമാണ് എരുമേലി പ്രൈവറ്റ് ബസ് സ്റ്റാൻഡിൽ അവശ നിലയിലായ വയോധികനെ നാട്ടുകാർ സർക്കാർ സാമൂഹിക കുടുംബക്ഷേമ കേന്ദ്രത്തിൽ എത്തിച്ചത്. തുടർന്ന്, കാഞ്ഞിരപ്പള്ളി ജനറൽ ആശുപത്രിയിലേക്ക് മാറ്റുകയായിരുന്നു. നാളുകളായി ബസ് സ്റ്റാൻഡിൽ കഴിഞ്ഞിരുന്ന വയോധികനെയാണ് അവശ നിലയിൽ കണ്ടെത്തിയത്.
അതേസമയം, ബന്ധുക്കളോ മറ്റോ എത്താത്തതിനാൽ തുടർ ചികിത്സയ്ക്ക് സഹായം ഒരുങ്ങിയിട്ടില്ല. ഇതിന് നടപടികൾ ഉണ്ടാകണമെന്ന് പൊതുപ്രവർത്തകർ ആവശ്യപ്പെട്ടു.
Post Your Comments