ഹോട്ട് എയർ ബലൂണിന് തീപിടിച്ചു: യാത്രക്കാരായ രണ്ടു പേർ മരിച്ചു

മെക്സിക്കോ സിറ്റി: ഹോട്ട് എയർബലൂണിന് തീപിടിച്ചു. മെക്സിക്കോയിലാണ് സംഭവം. അപകടത്തെ തുടർന്ന് യാത്രക്കാരായ രണ്ടു പേർ മരിച്ചു. മെക്സികോ സിറ്റിയ്ക്ക് സമീപമുള്ള പുരാവസ്തു കേന്ദ്രമായ തിയോതിഹുവാക്കലിനു സമീപത്താണ് അപകടം നടന്നത്. തീപിടുത്തം ഉണ്ടായതോടെ യാത്രക്കാർ ഹോട്ട് എയർ ബലൂണിൽ നിന്നും താഴേക്ക് ചാടുകയായിരുന്നു.

Read Also: വല്ലഭായ് പട്ടേലിനെ ചതിച്ചുകൊണ്ടാണ് നെഹ്റു അധികാരത്തിലേറിയത്, പട്ടേലിനാണ് കൂടുതൽ വോട്ടുകൾ ലഭിച്ചത്- ശ്രീനിവാസൻ

യാത്രക്കാരുടെ സംഘത്തിൽ ഒരു കുഞ്ഞും ഉണ്ടായിരുന്നു. കുഞ്ഞിനെ രക്ഷപ്പെടുത്തിയതായി അധികൃതർ വ്യക്തമാക്കി. ഈ കുട്ടിയ്ക്ക് പൊള്ളലേറ്റുവെന്നും തുടയെല്ലിന് പൊട്ടൽ ഉണ്ടായിട്ടുണ്ടെന്നും അധികൃതർ അറിയിച്ചു. കുട്ടിയെ ചികിത്സയ്ക്കായി ആശുപത്രിയിൽ പ്രവേശിപ്പിച്ചിരിക്കുകയാണ്. എയർ ബലൂണിലുണ്ടായിരുന്ന യാത്രക്കാരെ സംബന്ധിച്ച കൂടുതൽ വിവരങ്ങൾ ലഭ്യമായിട്ടില്ല.

Read Also: ‘വെരിഫൈഡ് ഓർഗനൈസേഷൻസ്’ സൗകര്യവുമായി ട്വിറ്റർ, സ്ഥാപനങ്ങളുടെ വെരിഫിക്കേഷന് ഇനി ചെലവേറും