കൊല്ലം: കൊല്ലത്ത് വൻ വ്യാജവാറ്റ് ശേഖരം പിടികൂടി എക്‌സൈസ്. കൊട്ടാരക്കര തേവലപ്പുറത്ത് റബ്ബർ തോട്ടത്തിൽ പാറക്കുഴിക്ക് സമീപം പ്രവർത്തിക്കുന്ന വ്യാജവാറ്റ് കേന്ദ്രമാണ് എക്‌സൈസ് സംഘം റെയ്ഡ് ചെയ്തത്. ഇവിടെ നിന്നും നിരവധി ബാരലുകളിലും കന്നാസുകളിലും സൂക്ഷിച്ചിരുന്ന 1140 ലിറ്ററോളം കോടയും, 10 ലിറ്റർ ചാരായവും, വാറ്റ് ഉപകരണങ്ങളും, ഗ്യാസ് സിലിണ്ടറുകളും, ഗ്യാസ് അടുപ്പും കണ്ടെത്തി. സന്തോഷിനെ അറസ്റ്റ് ചെയ്തായി എക്‌സൈസ് അറിയിച്ചു.
Read Also: ആലപ്പുഴ- കണ്ണൂർ എക്സ്പ്രസിനുള്ളിൽ സംഘർഷം, യാത്രക്കാരൻ സഹയാത്രികരെ തീ കൊളുത്തി: അഞ്ച് പേർക്ക് പൊള്ളൽ
ഏറെ നാളുകളായി ഷാഡോ ടീമിന്റെ നിരീക്ഷണത്തിലായിരുന്നു സന്തോഷ്. അതിസാഹസികമായാണ് എക്‌സൈസ് സംഘം സന്തോഷിനെ പിടികൂടിയത്. ഇതിന് പുറമെ, പെരുംകുളം സ്വദേശി അനിൽ എന്നയാളെയും 10 ലിറ്റർ ചാരായവുമായി പിടികൂടിയിട്ടുണ്ട്. കൊട്ടാരക്കര ഇൻസ്‌പെക്ടർ ബെന്നി ജോർജിന്റെ നേതൃത്വത്തിൽ ആയിരുന്നു റെയിഡ് നടന്നത്.
Post Your Comments