കാട്ടാക്കട: ഉത്സവത്തിനിടെ ക്ഷേത്രഭാരവാഹികൾക്ക് നേരെയുണ്ടായ ആക്രമണത്തിൽ രണ്ടു പേർക്ക് പരിക്കേറ്റു. ക്ഷേത്ര ഭരണസമിതിയംഗം ഗോപൻ, ഉത്സവകമ്മിറ്റി അംഗമായ രാജേഷ് എന്നിവർക്കാണ് പരിക്കേറ്റത്.
മണ്ണടിക്കോണം മുത്താരമ്മൻ ക്ഷേത്രത്തിലെ ഉത്സവത്തോട് അനുബന്ധിച്ചാണ് ആക്രമണം നടന്നത്. ഉത്സവത്തോട് അനുബന്ധിച്ച് സ്ഥാപിച്ചിരുന്ന അലങ്കാര ദീപങ്ങൾ ക്ഷേത്രത്തിലെത്തിയ മൂന്നംഗ സംഘം തല്ലി തകർക്കുന്നതായി ശ്രദ്ധയിൽപ്പെട്ടിരുന്നു. തുടർന്ന്, തടയാൻ ചെന്ന ഇവർക്ക് നേരെ മൂന്നംഗ സംഘം വാൾ വീശി ഭീതിപരത്തി. ഇതിനിടെയാണ് ഇവർക്ക് പരിക്കേറ്റത്.
മാറനല്ലൂർ പൊലീസ് സ്ഥലത്തെിയെങ്കിലും പ്രതികളെ പിടികൂടാനായില്ല. സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചു.
Post Your Comments