കടയ്ക്കലിൽ കാട്ടുപന്നിയുടെ ആക്രമണം : രണ്ടുപേർക്ക് ഗുരുതര പരിക്ക്

കൊല്ലം: കടയ്ക്കലിൽ കാട്ടുപന്നിയുടെ ആക്രമണത്തിൽ രണ്ടുപേർക്ക് ഗുരുതര പരിക്കേറ്റു. കടയ്ക്കൽ പുല്ലുപണ സ്വദേശികളായ വിശാഖ്(23), സാബു(37) എന്നിവർക്കാണ് പരിക്കേറ്റത്.

Read Also : രാജ്യത്തെ മുഴുവൻ സർക്കിളുകളിലും 99 രൂപയുടെ അടിസ്ഥാന പ്ലാൻ നിർത്തലാക്കി എയർടെൽ, കൂടുതൽ വിവരങ്ങൾ അറിയാം

ചൊവ്വാഴ്ച രാവിലെ 8:30നായിരുന്നു കാട്ടുപന്നിയുടെ ആക്രമണം ഉണ്ടായത്. വിശാഖിന്റെ ഇരുകൈകളിലും, സാബുവിന്റെ തുടയിലുമാണ് ഗുരുതരമായി പരിക്കേറ്റത്. ഇരുവരെയും കടയ്ക്കൽ താലൂക്ക് ആശുപത്രിയിൽ എത്തിച്ചെങ്കിലും പരിക്ക് ഗുരുതരമായതിനാൽ മെഡിക്കൽ കോളേജ് ആശുപത്രിയിലേക്ക് മാറ്റി.

Read Also : ആ ഫാദറിന്റെ ഉപദേശം എന്റെ ജീവിതം മാറ്റിമറിച്ചു: താൻ ക്രിസ്ത്യൻ മതത്തിലേക്ക് വന്നതിനെ കുറിച്ച് നടി മോഹിനി

അതേസമയം, പ്രദേശത്ത് കാട്ടുപന്നിയുടെ ആക്രമണം രൂക്ഷമാകുന്നതായി പ്രദേശവാസികൾ അറിയിച്ചു. കാട്ടുപന്നി ഇറങ്ങി കൃഷി നശിപ്പിക്കുന്നത് നിരവധി തവണ അധികൃതരോട് പരാതി പറഞ്ഞെങ്കിലും നടപടി ഉണ്ടായില്ലെന്ന് നാട്ടുകാർ ആരോപിക്കുന്നു.