ചെന്നൈ: മയിലുകൾ കൂട്ടത്തോടെ ചത്തൊടുങ്ങി. മധുരയിലാണ് സംഭവം. 40- ഓളം മയിലുകളെ ചത്ത നിലയിൽ കണ്ടെത്തിയതായി അധികൃതർ വ്യക്തമാക്കി. ഇവയുടെ ജഡങ്ങൾ പോസ്റ്റ് മോർട്ടത്തിന് അയിച്ചിരിക്കുകയാണെന്നും വനംവകുപ്പ് ഉദ്യോഗസ്ഥർ അറിയിച്ചു.
മധുര ജില്ലയിലെ ഫുലാംഗുളം ഗ്രാമത്തിലാണ് മയിലുകളുടെ ജഡം കണ്ടെത്തിയത്. അതേസമയം, മയിലുകൾ ചത്തൊടുങ്ങിയതിന്റെ കാരണം ഇതുവരെ കണ്ടെത്താൻ കഴിഞ്ഞിട്ടില്ല. വനത്തിലേക്ക് കാലിമേയ്ക്കാൻ പോയ പ്രദേശവാസിയാണ് മയിലുകളുടെ ജഡം കണ്ടെത്തിയത്. ഇയാളാണ് പോലീസിൽ വിവരം അറിയിച്ചത്. തുടർന്ന് പോലീസ് സംഭവ സ്ഥലത്തെത്തി പരിശോധന നടത്തി. സംഭവത്തിൽ കേസ് രജിസ്റ്റർ ചെയ്ത് അന്വേഷണം ആരംഭിച്ചതായും പോലീസ് കൂട്ടിച്ചേർത്തു.
Post Your Comments