കോഴിക്കോട്: കൊയിലാണ്ടിക്ക് സമീപം ഓടുന്ന ട്രെയിനില്‍നിന്ന് യുവാവിനെ തള്ളിയിട്ട് കൊന്നു. ഞായറാഴ്ച രാത്രി മലബാര്‍ എക്‌സ്പ്രസിലാണ് സംഭവം. മരിച്ചയാളെ തിരിച്ചറിഞ്ഞിട്ടില്ല. സംഭവത്തിന്റെ ദൃശ്യങ്ങൾ പുറത്തുവന്നിട്ടുണ്ട്. പ്രതി തമിഴ്നാട് ശിവഗംഗ സ്വദേശി സോനു മുത്തുവിനെ പൊലീസ് അറസ്റ്റ് ചെയ്തു. പ്രതിയുടെ അപ്രതീക്ഷിത നീക്കത്തിൽ സഹയാത്രക്കാർക്ക് ഞെട്ടി.
തീവണ്ടിയില്‍ വെച്ച് ഉണ്ടായ തര്‍ക്കമാണ് സംഭവത്തിന് കാരണമെന്ന് പൊലീസ്. പ്രതിയും യുവാവും ട്രെയിനിനുള്ളില്‍ തര്‍ക്കിക്കുന്നതിന്റെ ദൃശ്യങ്ങള്‍ പുറത്തുവന്നിട്ടുണ്ട്. സംഭവത്തിന് ശേഷം തീവണ്ടി കോഴിക്കോട് എത്തിയപ്പോള്‍ മറ്റ് യാത്രക്കാരാണ് പ്രതിയെ പൊലീസിന് കൈമാറിയത്. മരിച്ച യുവാവിന് 25 വയസ് പ്രായം തോന്നിക്കും. മൃതദേഹം കോഴിക്കോട് മെഡിക്കല്‍ കോളജ് മോര്‍ച്ചറിയില്‍.
Post Your Comments