മാ​ന​സി​ക വൈ​ക​ല്യ​മു​ള്ള പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി​യെ പീ​ഡി​പ്പി​ച്ചു:പ്ര​തി​ക്ക് 34 വ​ർ​ഷം ക​ഠി​നത​ട​വ്

പ​ത്ത​നം​തി​ട്ട: മാ​ന​സി​ക വൈ​ക​ല്യ​മു​ള്ള പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി​യെ പീ​ഡി​പ്പി​ച്ച കേ​സി​ൽ പ്ര​തി​ക്ക് 34 വ​ർ​ഷം ക​ഠി​ന ത​ട​വും ഒ​ന്ന​ര ല​ക്ഷം രൂ​പ പി​ഴ​യും ശിക്ഷ വിധിച്ച് കോടതി. കൊ​ടു​മ​ൺ ഐ​ക്കാ​ട് ച​ന്ദ്രാ​ല​യം വീ​ട്ടി​ൽ ലി​ജു ച​ന്ദ്ര​നെ (കൊ​ച്ചു​മോ​ൻ) അ​ടൂ​ർ ഫാ​സ്റ്റ് ട്രാ​ക് സ്പെ​ഷ​ൽ കോ​ട​തി ( പോ​ക്സോ കോ​ട​തി ) ജ​ഡ്ജി എ. ​സ​മീ​ർ ആണ് ശി​ക്ഷി​ച്ച​ത്.

പ്ര​തി​യി​ൽ നി​ന്നു പി​ഴ ഈ​ടാ​ക്കി പെ​ൺ​കു​ട്ടി​ക്ക് ന​ൽ​ക​ണമെന്നും കോടതി നിർദ്ദേശത്തിൽ പറയുന്നു. പി​ഴ അ​ട​യ്ക്കാ​തെ വ​ന്നാ​ൽ മൂ​ന്ന് വ​ർ​ഷം അ​ധി​കം ത​ട​വ് ശി​ക്ഷ അ​നു​ഭ​വി​ക്ക​ണ​മെ​ന്നും കോ​ട​തി വി​ധി​ച്ചു.

Read Also : രാജ്യത്ത് സ്വർണാഭരണങ്ങൾക്ക് ഹാൾമാർക്കിംഗ് നിർബന്ധമാക്കുന്നു, ഏപ്രിൽ ഒന്ന് മുതൽ പ്രാബല്യത്തിൽ

2017-ൽ ​കൊ​ടു​മ​ൺ പൊലീ​സ് ര​ജി​സ്റ്റ​ർ ചെ​യ്ത കേ​സി​ലാ​ണ് കോടതി ശിക്ഷ വി​ധിച്ചത്. ഓ​ണാ​ഘോ​ഷ​വു​മാ​യി ബ​ന്ധ​പ്പെ​ട്ട പ​രി​പാ​ടി​ക്കാ​യി സ്റ്റേ​ജ് കെ​ട്ടു​ന്ന പ​ണി​യി​ൽ ഏ​ർ​പ്പെ​ട്ട ലി​ജു, തൊ​ട്ട​ടു​ത്ത വീ​ട്ടി​ൽ അ​തി​ക്ര​മി​ച്ചു ക​യ​റി ടി​വി ക​ണ്ടു​കൊ​ണ്ടി​രു​ന്ന പെ​ൺ​കു​ട്ടി​യെ വാ​യ്പൊ​ത്തി​പ്പി​ടി​ച്ച് എ​ടു​ത്തു​കൊ​ണ്ടു​പോ​യി വീ​ടി​നു പി​ന്നി​ലെ​ത്തി​ച്ച് പീ​ഡി​പ്പി​ച്ചെ​ന്നാ​ണ് കേ​സ്. നി​ല​വി​ളി കേ​ട്ട് ഓ​ടി​ക്കൂ​ടി​യ​വ​രാ​ണ് കു​ട്ടി​യെ ര​ക്ഷ​പ്പെ​ടു​ത്തി​യ​ത്. മാ​താ​വി​ന്‍റെ പ​രാ​തി​യി​ൽ പ്ര​ത്യേ​ക വി​ദ​ഗ്ധ​ന്‍റെ സ​ഹാ​യ​ത്തോ​ടെ കു​ട്ടി​യു​ടെ മൊ​ഴി രേ​ഖ​പ്പെ​ടു​ത്തി.

കൊ​ടു​മ​ൺ പൊ​ലീ​സ് അ​ന്വേ​ഷ​ണം ന​ട​ത്തി​യ കേ​സി​ൽ ഇ​ന്ത്യ​ൻ ശി​ക്ഷാ നി​യ​മ​ത്തി​ലെ​യും പോ​ക്സോ നി​യ​മ​ത്തി​ലെ ബ​ന്ധ​പ്പെ​ട്ട വ​കു​പ്പു​ക​ളു​ടെ​യും വ്യ​വ​സ്ഥ​പ്ര​കാ​ര​മാ​ണ് ശി​ക്ഷ ​വി​ധി​ച്ച​ത്.