കോട്ടയം: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ യുവാവ് പൊലീസ് പിടിയിൽ. വിജയപുരം ആനത്താനം ഭാഗത്ത് കാഞ്ഞിരത്തുംമൂട് ഷിബു കെ. കുരുവിള(41)യെയാണ് അറസ്റ്റ് ചെയ്തത്. കോട്ടയം ഈസ്റ്റ് പൊലീസ് ആണ് യുവാവിനെ അറസ്റ്റ് ചെയ്തത്.
Read Also : കേംബ്രിഡ്ജിൽ ചൈനയെ പുകഴ്ത്തി രാഹുൽ: ചൈന സമാധാനത്തിന്റെ കക്ഷിയെന്നും പരാമർശം
2020, 2021 വര്‍ഷങ്ങളില്‍ ആണ് കേസിനാസ്പദമായ സംഭവം. പെണ്‍കുട്ടി കൗണ്‍സിലിംഗിനിടയിലാണ് കാര്യങ്ങള്‍ തുറന്നു പറഞ്ഞത്. തുടര്‍ന്ന്, ചൈല്‍ഡ് ലൈനില്‍ വിവരമറിയിക്കുകയും പൊലീസ് കേസ് രജിസ്റ്റര്‍ ചെയ്ത് ഇയാളെ പിടികൂടുകയുമായിരുന്നു.
ഇയാള്‍ക്കെതിരേ പാമ്പാടി, കറുകച്ചാല്‍, പള്ളിക്കത്തോട് സ്റ്റേഷനുകളില്‍ മോഷണക്കേസുകളുണ്ടെന്ന് പൊലീസ് പറഞ്ഞു. എസ്എച്ച്ഒ യൂ. ശ്രീജിത്ത്, സിപിഒമാരായ പ്രതീഷ് രാജ്, വിബിന്‍ എന്നിവര്‍ ചേര്‍ന്നാണ് ഇയാളെ അറസ്റ്റ് ചെയ്തത്. കോടതിയില്‍ ഹാജരാക്കിയ ഇയാളെ റിമാന്‍ഡ് ചെയ്തു.
Post Your Comments