കുമരകം: വീട് കയറി ആക്രമിച്ച കേസില്‍ രണ്ടുപേർ പൊലീസ് പിടിയിൽ. ചെങ്ങളം മറീന തീയറ്റര്‍ ഭാഗത്ത് സ്‌നേഹഭവന്‍ ബിനു തമ്പി (52), കളരിക്കല്‍ അനന്തു കെ. സുരേഷ് (കണ്ണന്‍-22) എന്നിവരെയാണ് പൊലീസ് അറസ്റ്റ് ചെയ്തത്. കുമരകം പൊലീസ് ആണ് ഇവരെ അറസ്റ്റ് ചെയ്തത്.
Read Also : സിവിൽ സർവീസ് വിദ്യാർത്ഥിനി തീപ്പൊള്ളലേറ്റ് മരിച്ച നിലയിൽ
കഴിഞ്ഞദിവസം രാത്രിയാണ് കേസിനാസ്പദമായ സംഭവം. ഇവരും സുഹൃത്തുക്കളും ചേര്‍ന്ന് ചെങ്ങളം എന്‍എസ്എസ് കരയോഗം ഭാഗത്തുള്ള വീട്ടില്‍ കയറി ഗൃഹനാഥനെയും ഭാര്യയെയും മകനെയും ആക്രമിക്കുകയുമായിരുന്നു. ഇവര്‍ തമ്മില്‍ മുന്‍ വൈരാഗ്യമുണ്ടായിരുന്നു.
പരാതിയുടെ അടിസ്ഥാനത്തിൽ കുമരകം പൊലീസ് കേസ് രജിസ്റ്റര്‍ ചെയ്യുകയും അന്വേഷണസംഘം ഇവരെ പിടികൂടുകയുമായിരുന്നു. മറ്റു പ്രതികള്‍ക്കുവേണ്ടി തെരച്ചില്‍ ശക്തമാക്കിയതായി പൊലീസ് പറഞ്ഞു. അറസ്റ്റ് ചെയ്ത പ്രതികളെ കോടതിയിൽ ഹാജരാക്കി.
Post Your Comments