മൂവാറ്റുപുഴ: കടന്നൽ ആക്രമണത്തിൽ അഞ്ച് വിദ്യാർത്ഥികളുൾപ്പെടെ ഏഴ് പേർക്ക് പരിക്കേറ്റു. പാലത്തിലൂടെ നടന്നു പോവുകയായിരുന്ന മൂവാറ്റുപുഴ സ്വദേശികളായ അസ്ലം, റിസ്വാൻ, അമീൻ, അഫ്നാൻ, തമീം എന്നീ വിദ്യാർത്ഥികൾക്കും സ്കൂട്ടർ യാത്രക്കാരായ ബ്ലെസി, എൽദോ എന്നിവർക്കുമാണ് കടന്നലിന്റെ കുത്തേറ്റത്.
Read Also : പാസ്പോർട്ട് നടപടികൾ ഇനി വേഗത്തിൽ പൂർത്തീകരിക്കാം, ‘എം പാസ്പോർട്ട്’ ആപ്പുമായി വിദേശകാര്യ മന്ത്രാലയം
ചാലിക്കടവ് പാലത്തിൽ ഇന്നലെ ഉച്ചയ്ക്ക് 12ഓടെയാണ് സംഭവം. ഫുട്ബോൾകളി കഴിഞ്ഞ് വീട്ടിലേക്ക് മടങ്ങുകയായിരുന്നു വിദ്യാർത്ഥികൾ. വിദ്യാർത്ഥികൾ ഭയന്ന് അടുത്തുള്ള വ്യാപാര സ്ഥാപനങ്ങളിലേക്ക് ഓടിക്കയറി.
തുടർന്ന്, ഇവരെ വ്യാപാരികളും നാട്ടുകാരും ചേർന്നാണ് സ്വകാര്യ ആശുപത്രിയിൽ പ്രവേശിപ്പിച്ചത്. പരിക്ക് ഗുരുതരമല്ലാത്തതിനാൽ പ്രാഥമിക ശുശ്രൂഷ നൽകി വിട്ടയച്ചു.
Post Your Comments