ഇന്ത്യയെ തകർക്കാൻ സോറോസിന്റെ അച്ചാരം കൈപ്പറ്റിയവരിൽ ഇടത് ബുദ്ധിജീവികളും മാധ്യമങ്ങളും: സന്ദീപ് വാര്യർ

ഇന്ത്യയെ തകർക്കാൻ ജോർജ് സോറോസിന്റെ ബില്യൺ കണക്കിന് ഡോളർ കൈപ്പറ്റിയവരിൽ ഇടത് ബുദ്ധിജീവികളും മാധ്യമങ്ങളും ഉണ്ടെന്നു സന്ദീപ് വാര്യർ. സോഷ്യൽ മീഡിയയിലൂടെയാണ്‌ സന്ദീപിന്റെ വിമർശനം.

കുറിപ്പ് പൂർണ്ണ രൂപം

ഇന്ത്യയെ തകർക്കാൻ ജോർജ് സോറോസിന്റെ ബില്യൺ കണക്കിന് ഡോളർ . സോറോസിന്റെ അച്ചാരം കൈപ്പറ്റിയവരിൽ ഇടത് ബുദ്ധിജീവികളും മാധ്യമങ്ങളും. ലോകത്തെമ്പാടുമുള്ള ‘ദേശീയവാദി സർക്കാരുകളെ’ തകർക്കുമെന്ന് പ്രഖ്യാപിച്ച് ബില്യൺ കണക്കിന് ഫണ്ടിറക്കി കൂലി പ്രചാരണം സംഘടിപ്പിക്കുന്ന ഓപ്പൺ സൊസൈറ്റി ഫൗണ്ടേഷന്റെ ജീവാത്മാവും പരമാത്മാവുമാണ്‌ ഹംഗറിയിൽ ജനിച്ച് അമേരിക്കയിൽ കഴിയുന്ന ബിസിനസ്സുകാരൻ ജോർജ് സൊറോസ് .

സോറോസിന്റെ ഏറ്റവും പ്രധാന ലക്ഷ്യം , ഇന്ത്യയിലെ ജനാധിപത്യത്തെ ദുര്ബലപ്പെടുത്തുക , മോദി സർക്കാരിനെ പുറത്താക്കുക . ഈ ലക്ഷ്യം നേരത്തെ പുറത്ത് വന്നതാണ് . ഇന്നത് ശരിവക്കും പോലെയാണ് പുറമേക്ക് വരുന്ന വാർത്തകൾ.

read also: പാപ യോനിയിൽ പിറന്നവളാണ് സ്ത്രീകൾ: ഭഗവത് ഗീതയെ വിമർശിച്ച് ഡോ: അരുൺകുമാർ

2016ൽ മോദി സർക്കാർ എൻജിഒകൾക്ക് വരുന്ന ഫണ്ടിങ് സംബന്ധിച്ച് നിയന്ത്രണങ്ങൾ കൊണ്ട് വന്നപ്പോൾ ഓപ്പൺ സൊസൈറ്റി ഫൗണ്ടേഷനും പ്രശ്നങ്ങളുണ്ടായി . ഓപ്പൺ സൊസൈറ്റി ഫണ്ട് ചെയ്യുന്ന ചില ഇന്ത്യൻ എൻജിഒ കളുണ്ട് . എല്ലാം മോദി വിരുദ്ധ പ്രചാരണങ്ങൾക്ക് നേതൃത്വം കൊടുക്കുന്നവർ .
നിങ്ങൾ മോദിയെ എതിർത്തോളൂ . പക്ഷെ ഇന്ന് ജോർജ് സൊറോസ് പറഞ്ഞു വക്കുന്ന അപകടകരമായ നിലപാടുണ്ട് . അത് ഇന്ത്യയിലെ ‘ജനാധിപത്യത്തിന്റെ പുനഃസ്ഥാപനം’ നടത്തുമെന്നതാണ് .

ലോകത്തെമ്പാടുമുള്ള ജനാധിപത്യ സർക്കാരുകളെ അട്ടിമറിക്കാൻ നടക്കുന്ന ഒരു വൈദേശിക കോടീശ്വരൻ ഇന്ത്യൻ ജനാധിപത്യത്തെ ദുർബലപ്പെടുത്താൻ ബില്യൺ കണക്കിന് ഡോളർ ഒഴുക്കുമ്പോൾ , അതിൽ നിന്ന് വിഹിതം പറ്റിയവരാണ് മോദി വിരുദ്ധ നരേറ്റിവുകൾ പടച്ച് വിടുന്നത് . ജാഗ്രത .