ദുബായ്: ഫ്‌ളൈ ദുബായ് വിമാനം വഴിതിരിച്ചുവിട്ടു. പ്രതികൂല കാലാവസ്ഥയെ തുടർന്നാണ് നടപടി. റഷ്യയിലേക്കുള്ള ഫ്‌ളൈ ദുബായ് വിമാനം അസർബൈജാനിലേക്കാണ് വഴിതിരിച്ചുവിട്ടത്.
ഫെബ്രുവരി 11 ന് ദുബായ് ഇന്റർനാഷണലിൽ നിന്ന് (ഡിഎക്‌സ്ബി) മഖച്കല എയർപോർട്ടിലേക്ക് (എംസിഎക്‌സ്) പോകേണ്ടിയിരുന്ന എഫ്ഇസഡ് 905 എന്ന വിമാനം ബാക്കു എയർപോർട്ടിലേക്ക് (ജിവൈഡി) വഴിതിരിച്ചുവിട്ടതായി ഫ്‌ളൈ ദുബായ് എയർലൈൻ വക്താവ് അറിയിച്ചു. യാത്രക്കാർക്ക് ആവശ്യാനുസരണം ലഘുഭക്ഷണം നൽകിയെന്നും യാത്രാ ഷെഡ്യൂളുകൾക്കുണ്ടായ അസൗകര്യത്തിൽ തങ്ങൾ ക്ഷമ ചോദിക്കുന്നുവെന്നും അദ്ദേഹം വ്യക്തമാക്കി.
കഴിഞ്ഞയാഴ്ച, സിഡ്നിയിൽ നിന്ന് ദുബായിലേക്കുള്ള എമിറേറ്റ്സ് വിമാനം മെഡിക്കൽ എമർജൻസി കാരണം പെർത്തിലേക്ക് വഴിതിരിച്ചുവിട്ടിരുന്നു.
Post Your Comments