സ്മാർട്ട് വാച്ച് വാങ്ങാൻ ആഗ്രഹിക്കുന്നവർക്ക് സന്തോഷ വാർത്തയുമായി എത്തിയിരിക്കുകയാണ് രാജ്യത്തെ ഇലക്ട്രോണിക്സ് ഗാഡ്ജറ്റ് നിർമ്മാതാക്കളായ സെബ്രോണിക്സ്. ഇത്തവണ സെബ്രോണിക്സിന്റെ ഏറ്റവും പുതിയ സ്മാർട്ട് വാച്ചാണ് പുറത്തിറക്കിയിരിക്കുന്നത്. ബ്ലൂടൂത്ത് കോളിംഗ് ഫീച്ചറുകൾ അടക്കം, കുറഞ്ഞ വിലയിൽ വാങ്ങാൻ സാധിക്കുന്ന സെബ്രോണിക്സ് ഐക്കണിക്- അൾട്രാ സ്മാർട്ട് വാച്ചുകളെ കുറിച്ച് കൂടുതൽ അറിയാം.
1.78 ഇഞ്ച് അമോലെഡ് ഡിസ്പ്ലേയാണ് ഈ സ്മാർട്ട് വാച്ചുകൾക്ക് നൽകിയിരിക്കുന്നത്. വാച്ച് ഐഡി മോഡൽ തുടരുമ്പോൾ പോലും നോട്ടിഫിക്കേഷൻ ലഭിക്കുന്നതിനായി ഓൾവെയിസ് ഓൺ ഡിസ്‌പ്ലേ ഫീച്ചറും ഉൾക്കൊള്ളിച്ചിട്ടുണ്ട്. ഏകദേശം നൂറിലധികം സ്പോർട്സ് മോഡുകളാണ് ഇവയിൽ ലഭ്യമായിട്ടുള്ളത്. ഇൻ- ബിൽറ്റ് സ്പീക്കറും മൈക്കും ഉണ്ട്.
ഹൃദയമിടിപ്പ്, രക്തസമ്മർദ്ദം, സ്ലീപ് ട്രാക്കിംഗ് എന്നിവ നിരീക്ഷിക്കാനും അളക്കാനും സഹായിക്കുന്ന സെൻസറുകൾ ലഭ്യമാണ്. 30 ദിവസം വരെ സ്റ്റാൻഡ്- ബൈ സമയം വാഗ്ദാനം ചെയ്യുന്നുണ്ട്. പ്രധാനമായും ഓറഞ്ച്, ബ്ലാക്ക് എന്നിങ്ങനെ രണ്ട് കളർ ഓപ്ഷനുകളിൽ പുറത്തിറക്കിയ സെബ്രോണിക്സ് ഐക്കണിക്-അൾട്രാ സ്മാർട്ട് വാച്ചുകൾ ആമസോൺ മുഖാന്തരം 3,299 രൂപയ്ക്ക് വാങ്ങാൻ സാധിക്കും.
Post Your Comments