യു​വാ​വി​നെ ചു​റ്റി​ക​കൊ​ണ്ട് ത​ല​യ്ക്ക​ടി​ച്ച് പരിക്കേൽപ്പിച്ചു : മധ്യവയസ്കൻ അറസ്റ്റിൽ

വെ​ള്ള​റ​ട: യു​വാ​വി​നെ ചു​റ്റി​ക​കൊ​ണ്ട് ത​ല​യ്ക്ക​ടി​ച്ച് ആ​ക്ര​മി​ച്ച പ്ര​തി അറസ്റ്റി​ല്‍. ച​ക്ക​ല​കു​ന്ന്​ സ​ന്ധ്യാ ഭ​വ​നി​ല്‍ ര​ഞ്ജി​ത് (50) ആണ്​ പി​ടി​യി​ലാ​യ​ത്. ആ​നാ​വൂ​ര്‍ ആ​ല​ത്തൂ​ര്‍ ശാ​ലി​നി മ​ന്ദി​ര​ത്തി​ല്‍ ബി​ജു​വി​നെ ആ​ക്ര​മി​ച്ച കേ​സി​ലാ​ണ് ഇയാൾ പിടിയിലായത്.

Read Also : ആ​ഡം​ബ​ര ബ​സി​ല്‍ ലഹരിക്കടത്ത് : ഹാഷിഷ് ഓയിലുമായി യുവാവ് എക്സൈസ് പിടിയില്‍

ജ​നു​വ​രി ഒ​ന്നി​ന്​ ആ​ല​ത്തൂ​ര്‍ ത​ട്ടാം​വി​ളാ​ക​ത്തു​​വെ​ച്ചാണ് സംഭവം. ചു​റ്റി​ക​കൊ​ണ്ട് പു​റം​ത​ല​യി​ല്‍ ര​ണ്ടി​ട​ത്ത് അ​ടി​ച്ച്​ പ​രി​ക്കേ​ൽ​പി​ച്ച​തി​നെ​ത്തു​ട​ര്‍ന്ന്, ബി​ജു​വി​നെ നെ​യ്യാ​റ്റി​ന്‍ക​ര ജ​ന​റ​ല്‍ ആ​ശു​പ​ത്രി​യി​ലും തു​ട​ര്‍ന്ന്, തി​രു​വ​ന​ന്ത​പു​രം മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലും പ്രവേശിപ്പി​ച്ചു. ബി​ജു​വി​ന്റെ കൂ​ട്ടു​കാ​ര​നു​മാ​യി ര​ഞ്ജി​ത്തി​നു​ണ്ടാ​യ ത​ര്‍ക്കം പ​റ​ഞ്ഞ്​ വി​ല​ക്കി​യ​തി​ലു​ള്ള വി​രോ​ധം കൊ​ണ്ടാ​ണ് ചു​റ്റി​ക കൊ​ണ്ട​ടി​ച്ച് പരിക്കേൽപ്പിച്ച​ത്.

നേരത്തെ മലപ്പുറത്ത് താമസിച്ചിരുന്ന ര​ഞ്ജി​ത് ആ​റു​മാ​സ​ത്തോ​ളം ആ​ല​ത്തൂ​രു​ള്ള സ​ഹോ​ദ​രി ര​തി​യു​ടെ വീ​ടി​ന്റെ അ​ടു​ത്ത് ഷെ​ഡ് കെ​ട്ടി താ​മ​സി​ച്ചി​രു​ന്നു. മാ​രാ​യ​മു​ട്ടം പൊ​ലീ​സ് കേ​സെ​ടു​ത്ത് അ​ന്വേ​ഷ​ണം തു​ട​ങ്ങി​യ​പ്പോ​ള്‍ ര​ഞ്ജി​ത് ഒ​ളി​വി​ല്‍ പോവുകയായിരുന്നു. മാ​രാ​യ​മു​ട്ടം ഇ​ന്‍സ്‌​പെ​ക്ട​റു​ടെ നേ​തൃ​ത്വ​ത്തി​ല്‍ മ​ല​പ്പു​റ​ത്ത്​ തി​ര​ച്ചി​ല്‍ ന​ട​ത്തി​യാ​ണ് പ്ര​തി​യെ പി​ടി​കൂ​ടി​യ​ത്. പ്രതിയെ കോടതിയിൽ ഹാജരാക്കി.