റിയാദ്: സ്ഥാപക ദിനാചരണത്തിന്റെ ഭാഗമായി സർക്കാർ പൊതുമേഖലാ സ്ഥാപനങ്ങൾക്ക് അവധി പ്രഖ്യാപിച്ച് സൗദി അറേബ്യ. ഈ മാസം 22, 23 (ബുധൻ, വ്യാഴം) തീയതികളിൽ സൗദി സ്ഥാപക ദിനാചരണത്തിന്റെ ഭാഗമായി സർക്കാർ പൊതുമേഖലാ സ്ഥാപനങ്ങൾക്ക് അവധിയായിരിക്കുമെന്ന് സൗദി അറേബ്യ വ്യക്തമാക്കി.
സ്വകാര്യ മേഖലയിലെ സ്ഥാപനങ്ങൾക്കും ലാഭേച്ഛയില്ലാതെ പ്രവർത്തിക്കുന്ന സ്ഥാപനങ്ങൾക്കും 22 ന് പൊതു അവധിയായിരിക്കും. സ്ഥാപക ദിനമായ ഫെബ്രുവരി 22ന് ശേഷമുള്ള വ്യാഴാഴ്ച സിവിൽ സർവീസിലെ ഹ്യൂമൻ റിസോഴ്സ് എക്സിക്യൂട്ടീവ് റെഗുലേഷൻസിന് കീഴിൽ ജോലി ചെയ്യുന്നവർക്കും അവധിയായിരിക്കും.
ഫെബ്രുവരി 22, 23 തീയതികളിൽ അവധിയുള്ള സ്ഥാപനങ്ങൾക്ക് അടുത്ത ദിവസമായ വെള്ളി, ശനി ദിവസങ്ങൾ വാരാന്ത്യ അവധിയായതിനാൽ നാലു ദിവസം അവധി ലഭിക്കുന്നതാണ്.
Post Your Comments