സനാതന ധർമ്മമാണ് ഇന്ത്യയുടെ ദേശീയ മതം, നശിപ്പിക്കപ്പെട്ട ക്ഷേത്രങ്ങൾ പുനഃസ്ഥാപിക്കാൻ ജനങ്ങൾ പ്രചാരണം നടത്തണം’

ഭിൻമാലി: സനാതന ധർമ്മം ഇന്ത്യയുടെ രാഷ്ട്രീയ ധർമ്മമാണെന്നും ഓരോ ഇന്ത്യക്കാരനും സനാതന ധർമ്മത്തെ മാനിക്കണമെന്നും ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. മുൻകാലങ്ങളിൽ ആക്രമണകാരികൾ ക്ഷേത്രങ്ങൾ നശിപ്പിച്ചിട്ടുണ്ടെങ്കിൽ, നശിപ്പിക്കപ്പെട്ട ക്ഷേത്രങ്ങൾ പുനഃസ്ഥാപിക്കാൻ ജനങ്ങൾ പ്രചാരണം നടത്തണമെന്നും യോഗി ആദിത്യനാഥ് ആവശ്യപ്പെട്ടു.

‘സനാതന ധർമ്മം ഇന്ത്യയുടെ രാഷ്ട്രീയ ധർമ്മം ആണ്. നമ്മൾ സ്വാർത്ഥതയ്‌ക്ക് മുകളിൽ ഉയരുമ്പോൾ രാഷ്ട്രീയ ധർമ്മവുമായി ബന്ധപ്പെടുന്നു. ദേശീയ മതവുമായി ബന്ധപ്പെടുമ്പോൾ നമ്മുടെ രാജ്യം സുരക്ഷിതമാണ്,’ രാജസ്ഥാനിലെ ഭിൻമാലിലെ നീലകണ്ഠ മഹാദേവ ക്ഷേത്രത്തിലെ വിഗ്രഹ പുനരുദ്ധാരണ പരിപാടിയിൽ സംസാരിക്കവെയാണ് യോഗി ഇക്കാര്യം വ്യക്തമാക്കിയത്.

അമിതവണ്ണം കുറയ്ക്കാൻ ഈ ഒറ്റമൂലികൾ പരീക്ഷിക്കൂ

‘ഏതെങ്കിലും കാലഘട്ടത്തിൽ നമ്മുടെ ആരാധനാലയങ്ങൾ അശുദ്ധമാക്കപ്പെട്ടിട്ടുണ്ടെങ്കിൽ, ദേശീയ വികാരത്തെ പ്രതിനിധീകരിച്ച്, പ്രധാനമന്ത്രി നരേന്ദ്ര മോദിയുടെ ശ്രമഫലമായി ശ്രീരാമക്ഷേത്രം പണിയുന്ന അയോധ്യയുടെ മാതൃകയിൽ അവ പുനഃസ്ഥാപിക്കുന്നതിനുള്ള പ്രചാരണം ആരംഭിക്കണം,’ യുപി മുഖ്യമന്ത്രി പറഞ്ഞു.