കോട്ടയം: പാമ്പാടിയില്‍ ഗൃഹനാഥനെ കുത്തിക്കൊല്ലാൻ ശ്രമിച്ച കേസിലെ പ്രതി അറസ്റ്റിൽ. പാമ്പാടി പുതരിപ്രയില്‍ ക്രിസ്റ്റിന്‍ രാജു ഫിലിപ്പി(26)നെയാണ് അറസ്റ്റ് ചെയ്തത്. പാമ്പാടി പൊലീസ് ആണ് പ്രതിയെ അറസ്റ്റ് ചെയ്തത്.
Read Also : തിരുവനന്തപുരത്ത് നടു റോഡിൽ സഹോദരൻ സഹോദരിയെ വെട്ടി
കഴിഞ്ഞ ദിവസം രാത്രിയാണ് കേസിനാസ്പദമായ സംഭവം. പാമ്പാടി നെടുംകുഴി ഓട്ടോറിക്ഷ സ്റ്റാന്‍ഡിന് സമീപത്ത് വെച്ച് ഇയാൾ പ്രദേശവാസിയായ ഗൃഹനാഥനെ ആക്രമിച്ച് കൊല്ലാൻ ശ്രമിക്കുകയായിരുന്നു. ഇരുവരും തമ്മില്‍ മുന്‍ വൈരാഗ്യമുണ്ടായിരുന്നു. മുമ്പ് യുവാവ് ഗൃഹനാഥനെയും ഭാര്യയെയും ആക്രമിച്ചതിനെതിരായ കേസ് പാമ്പാടി സ്റ്റേഷനിലുണ്ട്. ഈ പരാതി നൽകിയതിലുള്ള വിരോധം മൂലമാണ് ഇയാള്‍ ഗൃഹനാഥനെ ആക്രമിച്ചത്.
പരാതിയുടെ അടിസ്ഥാനത്തിൽ അന്വേഷണ സംഘം ഇയാളെ പിടികൂടുകയായിരുന്നു. എസ്എച്ച്ഒ സുവര്‍ണകുമാറിന്‍റെ നേതൃത്വത്തിലാണ് ഇയാളെ പിടികൂടിയത്. പ്രതിയെ കോടതിയിൽ ഹാജരാക്കി.
Post Your Comments