ഡൽഹി: കാർ റിപ്പയർ സ്റ്റാർട്ടപ്പ് ഗോ മെക്കാനിക് 70 ശതമാനം തൊഴിലാളികളെയും പിരിച്ചുവിടുന്നതായി സഹസ്ഥാപകൻ അമിത് ഭാസിൻ . ബുധനാഴ്ച ഒരു ലിങ്ക്ഡ്ഇൻ പോസ്റ്റിലൂടെയാണ് ഗോ മെക്കാനിക് സഹസ്ഥാപകൻ അമിത് ഭാസിൻ ഇക്കാര്യം വ്യക്തമാക്കിയത്. സെക്വോയ ഇന്ത്യയുടെ പിന്തുണയുള്ള കമ്പനി തീരുമാനങ്ങളിൽ ഗുരുതരമായ പിഴവുകൾ വരുത്തിയതായും അദ്ദേഹം പറഞ്ഞു. മൂലധനം സ്വരൂപിക്കാനായി ബുദ്ധിമുട്ട് നേരിടുന്നതിനാൽ, ബിസിനസ് പുനഃക്രമീകരിക്കാൻ കമ്പനി നേതൃത്വം തീരുമാനിച്ചതായി അമിത് ഭാസിൻ കൂട്ടിച്ചേർത്തു.
അംഗീകൃത സേവന കേന്ദ്രങ്ങളും പ്രാദേശിക വർക്ക്‌ഷോപ്പുകളും തമ്മിലുള്ള വിടവ് നികത്തുന്നതിനുള്ള ഒരു ഇടനിലക്കാരനായാണ് 2016ൽ ഗുഡ്ഗാവ് ആസ്ഥാനമായ സ്റ്റാർട്ടപ്പ് സ്ഥാപിതമായത്. നിരവധി നിക്ഷേപകരുമായി ചർച്ച നടത്തിയിട്ടും ഫണ്ട് സ്വരൂപിക്കാൻ കമ്പനി പാടുപെടുകയായിരുന്നു. കഴിഞ്ഞ വർഷം തുടക്കത്തിൽ, ടൈഗർ ഗ്ലോബലിന്റെ നേതൃത്വത്തിൽ 1 ബില്യൺ ഡോളറിന്റെ ഫണ്ടിംഗ് സമാഹരിക്കാൻ സ്റ്റാർട്ടപ്പ് ചർച്ചകൾ നടത്തിയിരുന്നു.
സിമി നിരോധന ഉത്തരവിനെ അനുകൂലിച്ച് കേന്ദ്രസര്‍ക്കാര്‍, സംസ്ഥാനത്ത് എന്‍ഐഎ റെയ്ഡ്
‘നിലവിലെ ഈ സാഹചര്യത്തിന്റെ പൂർണ ഉത്തരവാദിത്തം ഞങ്ങൾ ഏറ്റെടുക്കുകയും മൂലധന പരിഹാരങ്ങൾക്കായി നോക്കുമ്പോൾ ബിസിനസ് പുനഃക്രമീകരിക്കാൻ ഏകകണ്ഠമായി തീരുമാനിക്കുകയും ചെയ്തു. ഈ പുനർനിർമ്മാണം വേദനാജനകമാണ്, നിർഭാഗ്യവശാൽ ഞങ്ങൾക്ക് ഏകദേശം 70 ശതമാനം തൊഴിലാളികളെ ഉപേക്ഷിക്കേണ്ടതുണ്ട്. കൂടാതെ, ഒരു മൂന്നാം കക്ഷി സ്ഥാപനം ബിസിനസിന്റെ ഓഡിറ്റ് നടത്തും,’ അമിത് ഭാസിൻ പറഞ്ഞു.
വളരാനുള്ള എല്ലാ അവസരങ്ങളും പര്യവേക്ഷണം ചെയ്യാനുള്ള ശ്രമത്തിലാണ് ഗോ മെക്കാനിക് നേതൃത്വം എന്നും എന്ന് ഭാസിൻ പറഞ്ഞു. അഭ്യുദയകാംക്ഷികളുടെ പിന്തുണ തേടി, സാഹചര്യങ്ങൾക്കനുസരിച്ച് ഏറ്റവും ലാഭകരമായ ഒരു പദ്ധതിയിലാണ് ഗോ മെക്കാനിക് പ്രവർത്തിക്കുന്നതെന്നും അദ്ദേഹം കൂട്ടിച്ചേർത്തു.
Post Your Comments