കു​മ​ളി​ ടൗണിൽ പരിഭ്രാന്തി പരത്തിയ വി​ദേ​ശ വി​നോ​ദ​സ​ഞ്ചാ​രി പിടിയിൽ

കു​മ​ളി: കു​മ​ളി​ ടൗണിൽ പരിഭ്രാന്തി പരത്തിയ വി​ദേ​ശ വി​നോ​ദ​സ​ഞ്ചാ​രി പൊലീസ് പിടിയിൽ. അ​മേ​രി​ക്ക​ൻ സ്വ​ദേ​ശി റി​ച്ചാ​ർ​ഡ് അ​ല​ൻ വു​ഡ്റി​ങ്ങാ​ണ് പൊലീസ് പിടിയിലായത്.

തേ​ക്ക​ടി കാ​ണാ​നെ​ത്തിയ റി​ച്ചാ​ർ​ഡ് കു​മ​ളി​യി​ലെ ഹോം​സ്റ്റേ​യി​ൽ ആണ് താ​മ​സി​ച്ചി​രു​ന്നത്. കഴിഞ്ഞ ദിവസം ടൗ​ണി​ലെ​ത്തി​യ റി​ച്ചാ​ർ​ഡ് കൈ​വ​ശ​മു​ണ്ടാ​യി​രു​ന്ന ബാ​ഗി​ലെ സാ​ധ​ന​ങ്ങ​ളും പ​ണ​വും പ​ല​ഭാ​ഗ​ത്തേ​ക്ക് വ​ലി​ച്ചെ​റി​യു​ക​യും പ​ര​സ്പ​ര​വി​രു​ദ്ധ​മാ​യി സം​സാ​രി​ക്കു​ക​യും ചെ​യ്തു. വി​ദേ​ശ വി​നോ​ദ​സ​ഞ്ചാ​രി നി​ല​വി​ട്ട് പെ​രു​മാ​റി​യ​ത് നാ​ട്ടു​കാ​രെ​യും പൊ​ലീ​സി​നെ​യും പ​രി​ഭ്രാ​ന്ത​രാ​ക്കി.

Read Also : ‘ഇവിടെ മതേതരത്വം ഇരിക്കുന്നത് പുഴുങ്ങിയ മുട്ട മേലും ബീഫിന്മേലുമാണ്, വർഗ്ഗീയത അടയിരിക്കുന്നതാകട്ടെ സാമ്പാറിലും’

ക​ഴി​ഞ്ഞ ന​വം​ബ​ർ 17-ന്​ ​ടൂ​റി​സ്റ്റ് വി​സ​യി​ൽ ഡ​ൽ​ഹി​യി​ൽ​ വ​ന്ന റി​ച്ചാ​ർ​ഡ്​ ഈ​മാ​സം ഒ​ന്നി​നാ​ണ്​​ കു​മ​ളി റോ​സാ​പ്പൂ​ക്ക​ണ്ട​ത്തെ ഹോം​സ്റ്റേ​യി​ൽ താ​മ​സ​ത്തി​നെ​ത്തി​യ​തെ​ന്ന് പൊ​ലീ​സ് പ​റ​ഞ്ഞു. ര​ണ്ടു​ദി​വ​സ​മാ​യി പ​ക​ലും രാ​ത്രി​യും ടൗ​ണി​ലൂ​ടെ സം​സാ​രി​ച്ചു​കൊ​ണ്ട് ന​ട​ക്കു​ന്ന റി​ച്ചാ​ർ​ഡി​നെ പൊ​ലീ​സ് നി​രീ​ക്ഷി​ച്ചു​വ​രി​ക​യാ​യി​രു​ന്നു.

ബു​ധ​നാ​ഴ്ച ഉ​ച്ച​യോ​ടെ ക​സ്റ്റ​ഡി​യി​ലെ​ടു​ത്ത റി​ച്ചാ​ർ​ഡി​നെ ഇ​ടു​ക്കി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ​ത്തി​ച്ചെ​ങ്കി​ലും തൃ​ശൂ​രി​ലേ​ക്ക് ചി​കി​ത്സ​ക്ക്​ അ​യ​ക്കു​ക​യാ​യി​രു​ന്നു. ഇ​ദ്ദേ​ഹം അ​പ​സ്മാ​ര​ത്തി​നു​ള്ള മ​രു​ന്നു​ക​ൾ ഉ​പ​യോ​ഗി​ച്ചി​രു​ന്ന​താ​യി സൂ​ച​ന​യു​ണ്ടെ​ന്ന് പൊ​ലീ​സ് വ്യക്തമാക്കി.