യു​വാ​വി​നെ കു​പ്പി​കൊ​ണ്ട് ത​ല​ക്ക​ടി​ച്ച് കൊല്ലാൻ ശ്രമം : യുവാവ് പൊലീസ് പിടിയിൽ

ചാ​ത്ത​ന്നൂ​ർ: ക്ഷേ​ത്രോ​ത്സ​വം കാ​ണാ​ൻ പോ​യി തി​രി​കെ ​വ​ന്ന യു​വാ​വി​നെ കു​പ്പി​കൊ​ണ്ട് ത​ല​ക്ക​ടി​ച്ച് കൊല്ലാൻ ശ്രമിച്ച​യാൾ അറസ്റ്റിൽ. ചാ​ത്ത​ന്നൂ​ർ കോ​യി​പ്പാ​ട് രാ​ജീ​വ് ഗാ​ന്ധി കോ​ള​നി രാ​ഹു​ൽ ഭ​വ​നി​ൽ മ​മ്മു സ​ലി എ​ന്ന വി​ഷ്ണു (31) ആ​ണ് പി​ടി​യി​ലാ​യ​ത്. ചാ​ത്ത​ന്നൂ​ർ പൊ​ലീ​സ് ആണ് അ​റ​സ്റ്റ് ചെ​യ്തത്. കാ​രം​കോ​ട് പ്ര​സാ​ദ് ഭ​വ​നി​ൽ അ​നൂ​പി​നെ​യാ​ണ് (28) വി​ഷ്ണു​വും സം​ഘ​വും കൊ​ല​പ്പെ​ടു​ത്താ​ൻ ശ്ര​മി​ച്ച​ത്.

Read Also : 32 ലക്ഷം കിട്ടിയെന്ന് പ്രചരിക്കുന്ന വാ‍ർത്തകൾ പച്ചക്കള്ളം: ലഭിച്ചാല്‍ ദുരിതാശ്വാസ നിധിയിലേക്ക് നൽകുമെന്ന് ചിന്ത ജെറോം

തി​ങ്ക​ളാ​ഴ്ച രാ​ത്രി 10.45 ഓ​ടെ​യാ​ണ് കേസിനാസ്പദമായ സം​ഭ​വം. അ​നൂ​പും കൂ​ട്ടു​കാ​രും ഉ​ളി​യ​നാ​ട് അ​പ്പൂ​പ്പ​ൻ കാ​വി​ലെ ഉ​ത്സ​വം ക​ഴി​ഞ്ഞ് വീ​ട്ടി​ലേ​ക്ക്​ പോ​ക​വെ പ്ര​തി അ​നൂ​പി​നെ കി​ണ​റു​മു​ക്കി​ന് സ​മീ​പ​ത്തെ ക​ല്ലു​മ​ല​യി​ലേ​ക്ക്​ കൂ​ട്ടി​ക്കൊ​ണ്ടു​പോ​യ ശേഷം അ​സ​ഭ്യം വി​ളി​ച്ച് കൈ​യി​ൽ ക​രു​തി​യി​രു​ന്ന ബി​യ​ർ കു​പ്പി കൊ​ണ്ട് ത​ല​യി​ൽ ആ​ഞ്ഞ​ടി​ക്കു​ക​യാ​യി​രു​ന്നു. അ​നൂ​പ് ഒ​ഴി​ഞ്ഞു​മാ​റി​യ​തി​നാ​ൽ ത​ല​യു​ടെ ഇ​ട​തു​ഭാ​ഗ​ത്താണ് മു​റി​വേ​റ്റത്.

വി​ഷ്ണു​വി​നെ​തി​രെ നേ​ര​ത്തേ അ​നൂ​പി​ന്റെ സ​ഹോ​ദ​ര​ൻ ചാ​ത്ത​ന്നൂ​ർ പൊ​ലീ​സി​ൽ പ​രാ​തി ന​ൽ​കി​യി​രു​ന്നു. ഇ​തി​ന്‍റെ വൈ​രാ​ഗ്യ​മാ​ണ് കൊ​ല​പ്പെ​ടു​ത്താ​ൻ ശ്ര​മി​ച്ച​തി​ന് പി​ന്നി​ലെ​ന്നാണ് നി​ഗമനം. പ്രതിയെ കോടതിയിൽ ഹാജരാക്കി.