തലപ്പുഴ: നിയന്ത്രണം വിട്ട കാർ വൈദ്യുതി പോസ്റ്റിലിടിച്ച് തലകീഴായി മറിഞ്ഞ് അപകടം. അപകടത്തില്‍ കാർ യാത്രക്കാരായ രണ്ടുപേർക്ക് പരിക്കേറ്റു.
വയനാട് തലപ്പുഴയിൽ ആണ് അപകടം നടന്നത്. അപകടത്തിൽ വയനാട് എഞ്ചിനീയറിംഗ് കോളേജ് അധ്യാപികയും തിരുവനന്തപുരം സ്വദേശിനിയുമായ റെജി, ഭർതൃമാതാവ് രമണി എന്നിവർക്കാണ് പരിക്കേറ്റത്. അമിത വേഗമാണ് അപകട കാരണമെന്നാണ് നിഗമനം.
കാറിടിച്ച് വൈദ്യുത പോസ്റ്റ് ഒടിഞ്ഞിട്ടുണ്ട്. പോസ്റ്റിലിടിച്ച് തലകീഴായി മറിഞ്ഞ കാര്‍ പൊലീസും ഫയര്‍ഫോഴ്സുമെത്തിയാണ് റോഡില്‍ നിന്നും മാറ്റിയത്. പ്രദേശത്ത് മണിക്കൂറുകളോളം ഗതാഗത തടസം നേരിട്ടു.
Post Your Comments