പെരുവ: ടോറസ് ലോറി ബൈക്കില്‍ ഇടിച്ചുണ്ടായ അപകടത്തിൽ ബൈക്ക് യാത്രക്കാരായ രണ്ട് വിദ്യാര്‍ത്ഥികള്‍ക്ക് പരിക്കേറ്റു. പെരുവ ഐടിഐയിലെ വിദ്യാര്‍ത്ഥികളായ വൈക്കം ഉല്ലല മനയ്ക്കത്തറ ശിവപ്രസാദ് (19), വൈക്കം പുളിംചുവട് കീച്ചേരിത്തറ വിഷ്ണു (19) എന്നിവര്‍ക്കാണ് പരിക്കേറ്റത്.
Read Also : നാല് പൊതുമേഖലാ ജനറൽ ഇൻഷുറൻസ് കമ്പനികളെ എൽഐസിയിൽ ലയിപ്പിക്കും, പുതിയ നീക്കവുമായി കേന്ദ്രം
ഇന്നലെ ഉച്ചയ്ക്ക് 12.30നു തലപ്പാറ-പെരുവ റോഡില്‍ മേഴ്സി കാഞ്ഞിരവളവിലാണ് അപകടം. ഇറക്കത്തോടുകൂടിയുള്ള റോഡില്‍ മറ്റൊരു വാഹനത്തെ അമിതവേഗത്തില്‍ മറികടന്ന് പോകുകയായിരുന്ന ടോറസ് ലോറി എതിരേ വന്ന ബൈക്കില്‍ ഇടിച്ചാണ് അപകടം ഉണ്ടായത്. ഇടിയുടെ ആഘാതത്തില്‍ ബൈക്ക് യാത്രക്കാര്‍ റോഡരികിലെ കുറ്റിക്കാട്ടിലേക്ക് തെറിച്ചുവീണു.
ഓടിയെത്തിയ നാട്ടുകാര്‍ ആണ് ഗുരുതരമായി പരിക്കേറ്റ ഇരുവരെയും പൊതിലെ സ്വകാര്യആശുപത്രിയില്‍ പ്രവേശിപ്പിച്ചത്. തുടർന്ന്, വിദഗ്ധ ചികിത്സക്കായി കോട്ടയം മെഡിക്കല്‍ കോളജ് ആശുപത്രിയിലേക്കു മാറ്റി. ഇരുവരെയും അടിയന്തിര ശസ്ത്രക്രിയയ്ക്കു വിധേയരാക്കി. സ്ഥലത്തെത്തിയ തലയോലപ്പറമ്പ് പൊലീസ് മേല്‍നടപടി സ്വീകരിച്ചു.
Post Your Comments