ജിയോ: ലോകകപ്പിനോടനുബന്ധിച്ച് ഏറ്റവും പുതിയ ഡാറ്റ പാക്ക് അവതരിപ്പിച്ചു

ഫുട്ബോൾ പ്രേമികൾക്ക് ഏറ്റവും പുതിയ ഡാറ്റ പാക്കുമായി എത്തിയിരിക്കുകയാണ് രാജ്യത്തെ പ്രമുഖ ടെലികോം സേവന ദാതാക്കളായ ജിയോ. ഇത്തവണ വേൾഡ് കപ്പിനോടനുബന്ധിച്ച് 222 രൂപയുടെ ഡാറ്റ പാക്കാണ് ജിയോ അവതരിപ്പിച്ചിരിക്കുന്നത്. നിരവധി തരത്തിലുള്ള ഓഫറുകളാണ് ഈ ഡാറ്റ പാക്കിൽ ഉൾക്കൊള്ളിച്ചിരിക്കുന്നത്. കൂടുതൽ സവിശേഷതകൾ അറിയാം.

30 ദിവസത്തെ വാലിഡിറ്റിയാണ് ‘ഫുട്ബോൾ വേള്‍ഡ് കപ്പ് ഡാറ്റ പാക്ക്’ എന്ന പുതിയ പാക്കിൽ ഉൾപ്പെടുത്തിയിരിക്കുന്നത്. പരമാവധി 50 ജിബി വരെ ഉയർന്ന വേഗതയിലുള്ള ഡാറ്റ യൂസേജ് ഈ പാക്കിൽ വാഗ്ദാനം ചെയ്യുന്നുണ്ട്. അതേസമയം, നിലവിലുള്ള ബേസിക് പ്ലാനിനോടൊപ്പം മാത്രമേ, ഈ പ്ലാനുകൾ ഉപയോഗിക്കാൻ സാധിക്കുകയുള്ളൂ. ഉപയോക്താക്കൾക്ക് ഫിഫ ലോകകപ്പ് സ്ട്രീം ചെയ്യാനും ഈ ഡാറ്റ ഉപയോഗിക്കാം. ഈ പ്ലാനിൽ കോൾ, എസ്എംഎസ് ആനുകൂല്യങ്ങൾ എന്നിവ ലഭ്യമല്ല.

Also Read: പി​താ​വി​നു​നേ​രെ ബ​ന്ധു വീ​ശി​യ ക​ത്തി ത​ടഞ്ഞു : യു​വാ​വി​ന്‍റെ കൈ​പ്പ​ത്തി അ​റ്റുപോ​യി

ഉപയോക്താക്കളുടെ പ്രതിദിന ഡാറ്റ പരിധി അവസാനിച്ച് കഴിഞ്ഞതിന് ശേഷം 50 ജിബി ഉപയോഗിക്കാൻ സാധിക്കും. ജിയോ വെബ്സൈറ്റ്, മൈ ജിയോ ആപ്പ് എന്നിവ മുഖാന്തരം പ്ലാൻ ആക്സസ് ചെയ്യാൻ കഴിയുന്നതാണ്. അതേസമയം, ലോകകപ്പ് ഫുട്ബോൾ മത്സരങ്ങൾ അവസാനിച്ച് കഴിഞ്ഞാൽ ഈ ഓഫർ ജിയോ അവസാനിപ്പിക്കാൻ സാധ്യതയുണ്ട്.