കുറവിലങ്ങാട്: വീട്ടമ്മയെ അപമാനിക്കാന്‍ ശ്രമിച്ച കേസില്‍ യുവാവ് അറസ്റ്റിൽ. കുറവിലങ്ങാട് മോനിപ്പള്ളി പൂവത്തിങ്കല്‍ നെല്ലിക്കാത്തൊട്ടിയില്‍ എബിന്‍ വര്‍ഗീസി (24)നെയാണ് പാലാ പൊലീസ് അറസ്റ്റ് ചെയ്തത്.
കഴിഞ്ഞ ദിവസം വീട്ടമ്മയുടെ വീട്ടില്‍ അതിക്രമിച്ചു കയറി അപമാനിക്കാന്‍ ശ്രമിക്കുകയായിരുന്നു ഇയാള്‍. ഇതിനെ എതിര്‍ത്ത വീട്ടമ്മയെ ഇയാള്‍ കൈകൊണ്ട് ഇടിച്ച് പരിക്കേല്‍പ്പിക്കുകയും ചെയ്തു. ഇവരുടെ പരാതിയുടെ അടിസ്ഥാനത്തിൽ പാലാ പൊലീസ് കേസ് രജിസ്റ്റര്‍ ചെയ്യുകയും ഇയാളെ പിടികൂടുകയുമായിരുന്നു.
Read Also : ബൈക്ക് യാത്രക്കാരനെ കൊലപ്പെടുത്താൻ ശ്രമം : പ്രതി അറസ്റ്റിൽ
പാലാ കോടതി വളപ്പില്‍ വച്ച് യുവ അഭിഭാഷയെ അപമാനിക്കാന്‍ ശ്രമിച്ചതിന് ഇയാള്‍ക്കെതിരെ സമാനമായ മറ്റൊരു കേസും പാലാ സ്റ്റേഷനിലുണ്ട്. എസ്എച്ച്ഒ കെ.പി. ടോംസണ്‍, എസ്‌ഐ രാജേഷ് കുമാര്‍, സിപിഒമാരായ ബിനൂപ്, അരുണ്‍കുമാര്‍, സി. രഞ്ജിത്ത് എന്നിവര്‍ ചേര്‍ന്നാണ് ഇയാളെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി.
Post Your Comments