ചങ്ങനാശേരി: തൃക്കൊടിത്താനത്ത് ബൈക്ക് യാത്രക്കാരനായ യുവാവിനെ കൊലപ്പെടുത്താൻ ശ്രമിച്ച കേസിൽ ഒരാൾ പൊലീസ് പിടിയിൽ. കുറുമ്പനാടം ഭാഗത്ത് പുതുച്ചിറ റ്റോജി വർഗീസി (26) നെയാണ് പൊലീസ് അറസ്റ്റ് ചെയ്തത്. തൃക്കൊടിത്താനം പൊലീസ് ആണ് പ്രതിയെ അറസ്റ്റ് ചെയ്തത്.
Read Also : സ്ത്രീയെ വീട്ടിൽ നിന്ന് പിടിച്ചിറക്കി സ്ത്രീകളടങ്ങുന്ന സംഘം മർദ്ദിച്ചു : സംഭവം തൃശൂരില്‍, പരാതി
കഴിഞ്ഞദിവസം രാത്രി 10-നു ആണ് കേസിനാസ്പദമായ സംഭവം. ബൈക്കിൽ പോവുകയായിരുന്ന മാടപ്പള്ളി സ്വദേശിയായ അലക്‌സിനെയാണ് ഇയാൾ കൊലപ്പെടുത്താൻ ശ്രമിച്ചത്. അലക്‌സിന്‍റെ ബൈക്ക് മാടപ്പള്ളി എഴുത്തുപള്ളി ഭാഗത്തു തടഞ്ഞുനിർത്തി കയ്യിൽ കരുതിയിരുന്ന കുപ്പിഗ്ലാസ് കൊണ്ട് തലയ്ക്കടിക്കുകയുമായിരുന്നു. ഇവർ തമ്മിലുണ്ടായിരുന്ന മുൻ വൈരാഗ്യം മൂ‌ലമാണ് റ്റോജി, അലക്‌സിനെ ആക്രമിച്ചത്. അലക്‌സിന്‍റെ പരാതിയിൽ കേസെടുത്ത തൃക്കൊടിത്താനം പൊലീസ് റ്റോജിയെ അറസ്റ്റ് ചെയ്യുകയായിരുന്നു.
തൃക്കൊടിത്താനം സ്റ്റേഷനിലെ ക്രിമിനൽ ലിസ്റ്റിൽ ഉൾപ്പെട്ട ആളാണ് റ്റോജി. എസ്എച്ച്ഒ ഇ. അജീബ്, എഎസ്‌ഐ സാന്‍ജോ, സിപിഒമാരായ അശോക് കുമാര്‍, അനീഷ് ജോണ്‍, സെൽവരാജ്, സന്തോഷ് എന്നിവർ ചേർന്നാണ് ഇയാളെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി.
Post Your Comments