കിളിമാനൂർ: സൗഹൃദം നടിച്ച് സ്കൂൾ വിദ്യാർഥിനിയെ തട്ടിക്കൊണ്ടുപോയി ലൈംഗികമായി പീഡിപ്പിച്ച യുവാവ് പൊലീസ് പിടിയിൽ. വാമനപുരം കറ്ററ കൈലാസംകുന്നത്ത് കുന്നുവിള വീട്ടിൽ രഞ്ജിത്ത് ആണ് (27) അറസ്റ്റിലായത്. കിളിമാനൂർ പൊലീസ് ആണ് പ്രതിയെ അറസ്റ്റ് ചെയ്തത്.
റൂറൽ എസ്.പി ഡി. ശിൽപക്ക് ലഭിച്ച രഹസ്യവിവരത്തെ തുടർന്നാണ് ഒളിവിൽ പോയ പ്രതിയെ അറസ്റ്റ് ചെയ്തത്. ആറ്റിങ്ങൽ ഡിവൈ.എസ്.പി ജി. ബിനുവിന്‍റെ നിർദ്ദേശാനുസരണം കിളിമാനൂർ സ്റ്റേഷൻ ഓഫീസർ എസ്. സനൂജ്, എസ്.ഐ വിജിത്ത് കെ. നായർ, എസ്.സി.പി.ഒ ബിനു മഹേഷ്, സി.പി.ഒ കിരൺ എന്നിവരാണ് അന്വേഷണ സംഘത്തിലുണ്ടായിരുന്നത്.
അറസ്റ്റ് ചെയ്ത പ്രതിയെ കോടതിയിൽ ഹാജരാക്കും.
Post Your Comments