പഞ്ചാബ് നാഷണൽ ബാങ്ക്: പ്രത്യേക ഫിക്സഡ് ഡെപ്പോസിറ്റ് സ്കീം അവതരിപ്പിച്ചു

രാജ്യത്തെ പ്രമുഖ പൊതുമേഖലാ ബാങ്കുകളിൽ ഒന്നായ പഞ്ചാബ് നാഷണൽ ബാങ്ക് ഫിക്സഡ് ഡെപ്പോസിറ്റുകൾക്കായി പ്രത്യേക സ്കീം അവതരിപ്പിച്ചു. ഉയർന്ന പലിശ വാഗ്ദാനം ചെയ്യുന്ന 600 ദിവസം കാലാവധിയുള്ള ഫിക്സഡ് ഡെപ്പോസിറ്റ് സ്കീമാണ് (പിഎൻബി 600 ഡേയ്സ്) അവതരിപ്പിച്ചിരിക്കുന്നത്. ഈ സ്കീമിലൂടെ ഫിക്സഡ് ഡെപ്പോസിറ്റുകൾക്ക് ഉയർന്ന പലിശയാണ് ലഭിക്കുന്നത്.

റിപ്പോർട്ടുകൾ പ്രകാരം, പ്രതിവർഷം 7.85 ശതമാനം നിരക്കിലാണ് പലിശ ലഭിക്കുക. സീനിയർ സിറ്റിസൺ (60 വയസിന് മുകളിൽ പ്രായമുള്ളവർ), സൂപ്പർ സീനിയർ സിറ്റിസൺസ് (80 വയസിന് മുകളിൽ പ്രായമുള്ളവർ) എന്നിവർക്കും ഈ നിരക്ക് ബാധകമാണ്. ഉപഭോക്താക്കൾക്ക് മികച്ച നിലവാരമുള്ള സ്കീമുകൾ വാഗ്ദാനം ചെയ്യുകയാണ് ഇതിലൂടെ ലക്ഷ്യമിടുന്നതെന്ന് പഞ്ചാബ് നാഷണൽ ബാങ്ക് വ്യക്തമാക്കി.

Also Read: ലിജു കൃഷ്ണയ്ക്ക് പിന്തുണ: ഡബ്ല്യുസിസിയെ ചോദ്യം ചെയ്ത് പടവെട്ടിന്റെ പിന്നണി പ്രവർത്തക

നിലവിൽ, ബാങ്കിന്റെ ഉപഭോക്താക്കളായിട്ടുള്ളവർക്ക് പിഎൻബി വൺ ആപ്പ്, ഇന്റർനെറ്റ് ബാങ്കിംഗ് എന്നിവ മുഖാന്തരം ഈ സ്കീം പ്രയോജനപ്പെടുത്താവുന്നതാണ്. സാധാരണ പൗരന്മാർക്ക് 7 ശതമാനവും, സീനിയർ സിറ്റിസൺസിന് 7.50 ശതമാനവും, സൂപ്പർ സീനിയർ സിറ്റിസൺസിന് 7.85 ശതമാനവും പലിശ ലഭിക്കുന്നതാണ്.