രാമഗുണ്ടം: ലോകം നിർണായക സമയത്തിലൂടെ കടന്നുപോകുമ്പോഴും വിദഗ്ധരുടെ അഭിപ്രായത്തിൽ ലോകത്തിലെ മൂന്നാമത്തെ വലിയ സമ്പദ്‌വ്യവസ്ഥയായി ഇന്ത്യ മാറുകയാണെന്ന് പ്രധാനമന്ത്രി നരേന്ദ്ര മോദി പറഞ്ഞു. കഴിഞ്ഞ എട്ട് വർഷത്തിനിടെ ഭരണത്തിലും ചിന്താരീതിയിലും സമീപനത്തിലും മാറ്റം വന്നിട്ടുണ്ടെന്നും അദ്ദേഹം വ്യക്തമാക്കി.
1990ന് ശേഷം കഴിഞ്ഞ മൂന്ന് പതിറ്റാണ്ടിനിടെ രാജ്യം സാക്ഷ്യം വഹിച്ച വളർച്ച കഴിഞ്ഞ എട്ട് വർഷത്തിനിടയിൽ സംഭവിച്ച മാറ്റത്തിന്റെ ഫലമായി സംഭവിക്കുമെന്ന് വിദഗ്ധർ പ്രസ്താവിച്ചതായി മോദി പറഞ്ഞു.
ഒരേസമയം അയ്യായിരം പേർക്ക് അറിയിപ്പ് നൽകാം, ‘വാട്സ്ആപ്പ് കമ്മ്യൂണിറ്റീസ്’ ഫീച്ചർ അവതരിപ്പിച്ചു
‘കഴിഞ്ഞ രണ്ടോ മൂന്നോ വർഷമായി, ലോകം കൊറോണ മഹാമാരിക്കെതിരെ പോരാടുകയാണ്, മറുവശത്ത്, സംഘർഷങ്ങൾ നടക്കുന്നു, സൈനിക നടപടികൾ നടക്കുന്നു, അതിന്റെ ഫലങ്ങൾ രാജ്യത്തെയും ലോകത്തെയും ബാധിക്കുന്നു,’ അദ്ദേഹം പറഞ്ഞു.
എന്നാൽ ഈ നിർണായക സാഹചര്യങ്ങളിലും, ലോകമെമ്പാടുമുള്ള എല്ലാവരും ഒരു കാര്യം കൂടി കേൾക്കുന്നു. ഇന്ത്യ ഉടൻ തന്നെ ലോകത്തിലെ മൂന്നാമത്തെ വലിയ സമ്പദ്‌വ്യവസ്ഥയായി മാറുമെന്നും ആ ദിശയിൽ അതിവേഗം മുന്നേറുകയാണെന്നും ലോകത്തിലെ വിദഗ്ധർ പറയുന്നു,’ പ്രധാനമന്ത്രി കൂട്ടിച്ചേർത്തു.
Post Your Comments