പെരുമ്പാവൂര്‍: മാരക ലഹരിമരുന്നുകളുമായി യുവാവ് അറസ്റ്റിൽ. തണ്ടേക്കാട് എം.എച്ച് കവലയില്‍ കിഴക്കന്‍ വീട്ടില്‍ നിഷാദിനെയാണ് (25) അറസ്റ്റ് ചെയ്തത്. പെരുമ്പാവൂര്‍ പൊലീസ് ആണ് ഇയാളെ പിടികൂടിയത്.
അഞ്ച് ഗ്രാം ഹഷീഷ് ഓയിലും 230 മില്ലിഗ്രാം എം.ഡി.എം.എയും ഇയാളില്‍ നിന്ന് പിടിച്ചെടുത്തിട്ടുണ്ട്. ടാക്‌സി ഡ്രൈവറായ ഇയാള്‍ അതിന്റെ മറവില്‍ വിദ്യാര്‍ത്ഥികള്‍ക്കും യുവാക്കള്‍ക്കുമാണ് മയക്കുമരുന്ന് വില്‍പന നടത്തിയിരുന്നത്.
Read Also : ആലപ്പുഴയില്‍ സിപിഎം സിറ്റിങ് സീറ്റ് പിടിച്ചെടുത്ത് ബിജെപി: ഉപതിരഞ്ഞെടുപ്പിൽ സി.പി.എം മൂന്നാം സ്ഥാനത്ത്
നിഷാദിന്റെ പേരില്‍ വണ്ടന്മേട്, അമ്പലമേട് സ്‌റ്റേഷനുകളില്‍ മയക്കുമരുന്ന് കേസുകളുണ്ടെന്ന് പൊലീസ് പറഞ്ഞു.
എ.എസ്.പി അനൂജ് പലിവാല്‍, ഇന്‍സ്‌പെക്ടര്‍ ആര്‍. രഞ്ജിത്, എസ്.ഐമാരായ ജോസി എം.ജോണ്‍സന്‍, ഗ്രീഷ്മ ചന്ദ്രന്‍, എ.എസ്.ഐ എം.കെ. അബ്ദുൽ സത്താര്‍, എസ്.സി.പി.ഒ പി.എ. അബ്ദുൽ മനാഫ്, സി.പി.ഒമാരായ ടി.എസ്. അനീഷ്, എ.കെ. ബേസില്‍ എന്നിവരാണ് ഉണ്ടായിരുന്നത്. പ്രതിയെ കോടതിയിൽ ഹാജരാക്കി.
Post Your Comments