വാ​ഹ​നം ഓ​വ​ർ​ടേ​ക്ക് ചെ​യ്ത​തിന് യുവാക്കളെ ആക്രമിച്ചു : രണ്ടുപേർ പൊലീസ് പിടിയിൽ

ചിങ്ങ​വ​നം: വാ​ഹ​നം ഓ​വ​ർ​ടേ​ക്ക് ചെ​യ്ത​തി​നെത്തുട​ർ​ന്നു​ണ്ടാ​യ വി​രോ​ധത്തിൽ യു​വാ​ക്ക​ളെ ആ​ക്ര​മി​ച്ച ര​ണ്ടു​പേ​ർ പൊ​ലീ​സ് പിടിയിൽ. കാ​വാ​ലം പ​ന്ത്ര​ണ്ടി​ൽ​ചി​റ പി.​പി. സു​ധീ​ഷ് (26), കാ​വാ​ലം വ​ഴി​ച്ചി​റ വി.​പി. പ്ര​വീ​ണ്‍ (21) എ​ന്നി​വ​രെ​യാ​ണ് പൊലീസ് പിടികൂടിയത്. ചി​ങ്ങ​വ​നം പൊ​ലീ​സ് ആണ് പ്രതിയെ അ​റ​സ്റ്റ് ചെ​യ്ത​ത്.

ഇ​വ​ർ ക​ഴി​ഞ്ഞ ദി​വ​സം കു​റി​ച്ചി മോ​സ്കോ ക​വ​ല ഭാ​ഗ​ത്ത് കു​റി​ച്ചി സ്വ​ദേ​ശി​ക​ളാ​യ സി​ജു കു​ര്യാ​ക്കോ​സി​നെ​യും ഇ​യാ​ളു​ടെ സ​ഹോ​ദ​ര​നാ​യ സ​ജി കു​ര്യാ​ക്കോ​സി​നെ​യും ആ​ക്ര​മി​ക്കു​ക​യാ​യി​രു​ന്നു. സ​ജി​യു​ടെ വാ​ഹ​നം ക​ഴി​ഞ്ഞ​ദി​വ​സം പ്ര​തി​ക​ൾ സ​ഞ്ച​രി​ച്ചി​രു​ന്ന മോ​ട്ടോ​ർ​സൈ​ക്കി​ളി​നെ ഓ​വ​ർ​ടേ​ക്ക് ചെ​യ്ത​തി​നു​ള്ള വി​രോ​ധം മൂ​ല​മാ​ണ് ഇ​വ​ർ അ​ടു​ത്ത ദി​വ​സം സ​ജി​യെ ആ​ക്ര​മി​ച്ച​ത്.

Read Also : ആറ് വയസ്സുകാരനെ ചവിട്ടി വീഴ്‌ത്തിയ സംഭവം പ്രതിയുടെ ലൈസൻസ് റദ്ദാക്കും, കുട്ടി ആശുപത്രിയിൽ തുടരുന്നു

ആ​ക്ര​മി​ച്ച​തി​നു​ശേ​ഷം ഇ​രു​വ​രും സം​ഭ​വ​സ്ഥ​ല​ത്തു​നി​ന്ന് മുങ്ങിയിരു​ന്നു. ഇ​വ​രു​ടെ പ​രാ​തി​യെ തു​ട​ർ​ന്ന്, ചി​ങ്ങ​വ​നം പൊലീ​സ് കേ​സ് ര​ജി​സ്റ്റ​ർ ചെ​യ്യു​ക​യും അ​ന്വേ​ഷ​ണ​സം​ഘം പ്ര​തി​ക​ളെ പി​ടി​കൂ​ടു​ക​യു​മാ​യി​രു​ന്നു. കോ​ട​തി​യി​ൽ ഹാ​ജ​രാ​ക്കിയ പ്ര​തി​ക​ളെ റി​മാ​ൻ​ഡ് ചെ​യ്തു.