കാഠ്മണ്ഡു: ഹിമാലയത്തിലെ ഇന്ത്യൻ പ്രദേശങ്ങൾ രാജ്യത്തോടൊപ്പം ചേർക്കുമെന്ന് നേപ്പാൾ മുൻ പ്രധാനമന്ത്രിയും കമ്മ്യൂണിസ്റ്റ് പാർട്ടി ഓഫ് നേപ്പാൾ(യുനൈറ്റഡ് മാർക്‌സിസ്റ്റ്-ലെനിനിസ്റ്റ്) ചെയർമാനുമായ കെപി ശർമ ഒലി. തെരഞ്ഞെടുപ്പ് പ്രചാരണത്തിനിടെയാണ് അധികാരത്തിലേക്ക് തിരിച്ചെത്തിയാൽ ഇന്ത്യൻ പ്രദേശങ്ങൾ രാജ്യത്തോടൊപ്പം ചേർക്കും എന്ന ഒലിയുടെ വിവാദ പ്രസ്താവന.
‘നമ്മുടെ ഭൂമിയുടെ ഒരിഞ്ചുപോലും വിട്ടുകൊടുക്കില്ല. കാലാപനി, ലിപുലേഖ്, ലിംപിയാധുര അടക്കമുള്ള പ്രദേശങ്ങൾ തിരിച്ചുപിടിക്കും,’ പടിഞ്ഞാറൻ നേപ്പാളിലെ ഇന്ത്യ-നേപ്പാൾ അതിർത്തി പ്രദേശമായ ദാർചുലയിൽ പാർട്ടി പ്രചാരണ പരിപാടികൾ ഉദ്ഘാടനം ചെയ്യവേ ശർമ ഒലി വ്യക്തമാക്കി.
പട്ടിക്ക് തീറ്റ കൊടുക്കുന്നതുമായി ബന്ധപ്പെട്ട തർക്കം: യുവാവിനെ മർദ്ദിച്ച് കൊന്ന ബന്ധു കസ്റ്റഡിയിൽ
കാലപനി, ലിപുലേഖ്, ലിംപിയാധുര തുടങ്ങിയ പ്രദേശങ്ങളുമായി ബന്ധപ്പെട്ട് വിഷയങ്ങള്‍ നയതന്ത്ര ഇടപെടലുകളിലൂടെ തന്നെ പരിഹരിക്കുമെന്ന് നേപ്പാൾ കോൺഗ്രസ് അധ്യക്ഷനും പ്രധാനമന്ത്രിയുമായ ഷേർ ബഹാദുർ പ്രതികരിച്ചു. ഈ പ്രദേശങ്ങൾ നയതന്ത്ര നീക്കങ്ങളിലൂടെയും പരസ്പര ചർച്ചകളിലൂടെയും ‘തിരിച്ചുപിടിക്കാനുള്ള’ ശ്രമങ്ങൾ പുരോഗമിക്കുകയാണെന്നും നേപ്പാളിലെ ദാദേൽധുര ജില്ലയിൽ കോൺഗ്രസ് പ്രചാരണത്തിനു തുടക്കം കുറിച്ച് സംസാരിക്കവേ ഷേർ ബഹാദുർ വ്യക്തമാക്കി.
Post Your Comments