തുരുവനന്തപുരം: ഷാരോൺ കൊലക്കേസ് പ്രതി ഗ്രീഷ്‌മ പോലീസ് കസ്‌റ്റഡിയിൽ ആത്മഹത്യയ്‌ക്ക് ശ്രമിച്ച സംഭവത്തില്‍ രണ്ട് വനിത പോലീസുകാർക്ക് സസ്‍പെൻഷൻ. നെടുമങ്ങാട് സ്‌റ്റേഷനിലെ ഗായത്രി, സുമ എന്നീ പോലീസുകാർക്ക് എതിരെയാണ് നടപടി.
നെടുമങ്ങാട് ഡിവൈഎസ്‌പി ഓഫീസിലെ ശുചിമുറിയിൽ ഉണ്ടായിരുന്ന അണുനാശിനി കുടിച്ചാണ് ഗ്രീഷ്‌മ ആത്മഹത്യക്ക് ശ്രമിച്ചത്. തുടർന്ന് മെഡിക്കൽ കോളജ് ആശുപത്രിയിൽ പ്രവേശിപ്പിച്ച ഗ്രീഷ്‌മയുടെ ആരോഗ്യനില നിലവിൽ തൃപ്‌തികരമാണ്.
മകളെ പീഡിപ്പിച്ചു : പിതാവിന് ഇരട്ട ജീവപര്യന്തം ശിക്ഷ വിധിച്ച് കോടതി
സുരക്ഷയ്‌ക്ക് നാല് പോലീസുകാരെ പ്രത്യേകം ചുമതലപ്പെടുത്തി രാത്രി ഒന്നേകാലോടെയാണ് നെടുമങ്ങാട് ഡിവൈഎസ്‌പി ഓഫീസിലേക്ക് ഗ്രീഷ്‌മയെ എത്തിച്ചത്.സ്റ്റേഷനിൽ സുരക്ഷാ പരിശോധന നടത്തിയ ശുചിമുറിയുണ്ടായിട്ടും രാവിലെ രണ്ട് പോലീസുകാര്‍ ഗ്രീഷ്‌മയെ സ്‌റ്റേഷന് പുറത്തെ ശുചിമുറിയിലേക്ക് കൊണ്ടുപോകുകയായിരുന്നു. അവിടെ വച്ചാണ് ഗ്രീഷ്‌മ അണുനാശിനി കുടിച്ചത്.
തുടർന്ന്, ശാരീരികാസ്വസ്ഥത പ്രകടിപ്പിച്ച ഗ്രീഷ്‌മയെ മെഡിക്കൽ കോളേജ് ആശുപത്രിയിലേക്ക് എത്തിച്ച് അടിയന്തര ചികിത്സ നൽകി. മെഡിക്കൽ ഐസിയുവിൽ നിരീക്ഷണത്തിലുള്ള ഗ്രീഷ്‌മയുടെ അറസ്‌റ്റ് പോലീസ് രേഖപ്പെടുത്തി.
Post Your Comments