ഖജനാവ് ശൂന്യം: ചൈനയുടെ ധനക്കമ്മി 1 ട്രില്യൺ ഡോളറായി ഉയർന്നു

ബെയ്ജിംഗ്: ചൈനയുടെ ധനക്കമ്മി വർഷത്തിലെ ആദ്യ ഒമ്പത് മാസങ്ങളിൽ എക്കാലത്തെയും ഉയർന്ന നിരക്കായ1 ട്രില്യൺ ഡോളറായി ഉയർന്നു. റിയൽ എസ്റ്റേറ്റ് പ്രതിസന്ധിയും നികുതി ഇളവുകളും സർക്കാർ ഖജനാവിനെ ശൂന്യമാക്കിയതായി ബ്ലൂംബെർഗിന്റെ സർക്കാർ ഡാറ്റാ വിശകലനം വ്യക്തമാക്കി.

ജനുവരി മുതൽ സെപ്തംബർ വരെയുള്ള എല്ലാ തലങ്ങളിലെയും ഗവൺമെന്റിന്റെ ബജറ്റ് കമ്മി 7.16 ട്രില്യൺ യുവാൻ (980 ബില്യൺ ഡോളർ) ആണെന്നും കഴിഞ്ഞ വർഷം ഇതേ കാലയളവിലെ 2.6 ട്രില്യൺ കമ്മിയുടെ ഏകദേശം മൂന്നിരട്ടിയാണിതെന്നും ബെയ്ജിംഗിലെ ധനകാര്യ മന്ത്രാലയം ചൊവ്വാഴ്ച പുറത്തുവിട്ട ഡാറ്റയെ അടിസ്ഥാനമാക്കിയുള്ള ഒരു വിശകലനം വ്യക്തമാക്കുന്നു.

ബിസിനസ്സുകൾക്ക് സർക്കാർ കൂടുതൽ നികുതി ഇളവുകൾ നൽകിയതിനാൽ മൊത്തത്തിലുള്ള സർക്കാർ വരുമാനം ജനുവരി മുതൽ സെപ്റ്റംബർ വരെ 6.6 ശതമാനം ഇടിഞ്ഞ് 15.3 ട്രില്യൺ യുവാനിലെത്തി. വളർച്ച വർധിപ്പിക്കുന്നതിനും തൊഴിലവസരങ്ങൾ സൃഷ്ടിക്കുന്നതിനുമുള്ള ഗവൺമെന്റ് നയിക്കുന്ന അടിസ്ഥാന സൗകര്യ വികസനത്തെ തുടർന്ന് ആദ്യ ഒമ്പത് മാസത്തിനുള്ളിൽ സാമ്പത്തിക ചെലവ് 6.2 ശതമാനം ഉയർന്ന് 19.04 ട്രില്യൺ യുവാൻ ആയി.

ടി20 ലോകകപ്പില്‍ പാക് പേസർമാരെ പേടിച്ചാണ് ഇന്ത്യൻ ഓപ്പണർമാർ ക്രീസില്‍ നിന്നത്: അക്തര്‍

അതേസമയം, മൂന്നാം തവണയും കമ്മ്യൂണിസ്റ്റ് പാർട്ടിയുടെ നേതാവായി പ്രസിഡന്റ് ഷി ജിൻപിംഗ് തിരഞ്ഞെടുക്കപ്പെട്ടത് നിക്ഷേപകരെ ഞെട്ടിച്ചു. ചൈനയുടെ കറൻസി ഇടിവും ഹോങ്കോങ്ങിലെ ഓഹരികളും ആഗോള സാമ്പത്തിക പ്രതിസന്ധിക്ക് ശേഷമുള്ള ഏറ്റവും താഴ്ന്ന നിലയിലേക്ക് വീണു.

റിയൽ എസ്റ്റേറ്റ് മേഖലയിൽ ചൈന അഭൂതപൂർവ്വമായ പ്രതിസന്ധിയുമായി നേരിടുകയാണ്.
ചൈനയുടെ കർശനമായ കോവിഡ് നയത്തിന് കീഴിലുള്ള ലോക്ക്ഡൗണുകളും കർശനമായ യാത്രാ നിയന്ത്രണങ്ങളുമാണ് റിയൽ എസ്റ്റേറ്റ് മേഖലയിലുണ്ടായ പ്രതിസന്ധിയ്ക്ക് കാരണം.

ഇലന്തൂർ നരബലിയുമായി ‘കുമാരി’ക്ക് എന്താണ് ബന്ധം? – സുരഭി ലക്ഷ്മി വ്യക്തമാക്കുന്നു

സീറോ-കോവിഡ് നയത്തിൽ ഉറച്ചുനിൽക്കുന്ന ലോകത്തിലെ പ്രധാന സമ്പദ്‌വ്യവസ്ഥകളിൽ അവസാനത്തേതാണ് ചൈന. ഈ ആഴ്ച ആദ്യം ചൈനയിലെ 28 നഗരങ്ങളിലായി 207 ദശലക്ഷം ആളുകളെങ്കിലും ഏതെങ്കിലും തരത്തിലുള്ള ലോക്ക്ഡൗണിന് കീഴിലായിരുന്നു.

‘സീറോ-കോവിഡ് നയം ഗണ്യമായി ലഘൂകരിക്കുന്നതിന്റെ വ്യക്തമായ സൂചനകളൊന്നുമില്ല. അതിനാൽ, യഥാർത്ഥ സാമ്പത്തിക വീണ്ടെടുക്കൽ വേഗത ശക്തമല്ല നോമുറയിലെ ചീഫ് ചൈന സാമ്പത്തിക വിദഗ്ധൻ ടിംഗ് ലു വ്യക്തമാക്കി.