തിരുവനന്തപുരം: ടൂറിസ്റ്റ് ബസുകളിൽ ഏകീകൃത കളർകോഡ് നടപ്പാക്കുന്നതിൽ ഇളവ് നൽകിയ ഉത്തരവ് തിരുത്തി മോട്ടോർ വാഹന വകുപ്പ്. എല്ലാ ടൂറിസ്റ്റ് ബസുകളും കളർകോഡ് പാലിക്കണമെന്ന് വ്യക്തമാക്കിയാണ് എംവിഡി പുതിയ ഉത്തരവ് പുറത്തിറക്കിയിരിക്കുന്നത്. പഴയ വാഹനങ്ങൾ അടുത്ത തവണ ഫിറ്റ്‌നസ് പുതുക്കാൻ വരുമ്പോൾ മുതൽ നിറം മാറ്റിയാൽ മതിയെന്ന ഉത്തരവ് തിരുത്തിയാണ് പുതിയ ഉത്തരവിറക്കിയിരിക്കുന്നത്.
വടക്കഞ്ചേരി അപകടത്തെ തുടർന്നാണ് മോട്ടോർ വാഹന വകുപ്പ് കോൺട്രാക്ട് കാര്യേജ് വാഹനങ്ങൾക്ക് ഏകീകൃത നിറം നിർബന്ധമാക്കിയത്. 2022 ജൂണിന് ശേഷം രജിസ്റ്റർ ചെയ്ത, ചെയ്യുന്ന വാഹനങ്ങൾക്കും ഫിറ്റ്‌നസ് പരിശോധനയ്ക്ക് എത്തുന്ന വാഹനങ്ങൾക്കും വെള്ള നിറം അടിക്കണമെന്നതായിരുന്നു നിർദ്ദേശം.
Post Your Comments