ആലുവ: നഗരത്തില്‍ എടിഎം കുത്തിത്തുറന്ന് പണം മോഷ്ടിക്കാന്‍ ശ്രമിച്ചയാള്‍ അറസ്റ്റില്‍. മാള അന്നമനട അറയ്ക്കല്‍ വീട്ടില്‍ ഷിനാസിനെയാണ് (36) പൊലീസ് പിടികൂടിയത്. ആലുവ പൊലീസ് ആണ് പ്രതിയെ അറസ്റ്റ് ചെയ്തത്.
കഴിഞ്ഞ ദിവസം അതിരാവിലെയാണ് കേസിനാസ്പദമായ സംഭവം. പമ്പുകവലയിലുള്ള എടിഎമ്മാണ് പ്രതി കുത്തിത്തുറക്കാന്‍ ശ്രമിച്ചത്. രാത്രി പട്രോളിങ് സംഘമാണ് പ്രതിയെ പിടികൂടിയത്. ഇയാള്‍ക്കെതിരെ വിവിധ സ്റ്റേഷനുകളില്‍ കവര്‍ച്ച ഉള്‍പ്പെടെയുള്ള കേസുകളുണ്ടെന്ന് പൊലീസ് അറിയിച്ചു.
Read Also : രാത്രി കടയടച്ച് പോകുംവഴി തെരുവുനായ ബൈക്കിലിടിച്ച് അപകടം: പരിക്കേറ്റ് ചികിത്സയിലായിരുന്ന വ്യാപാരി മരിച്ചു
ഇന്‍സ്പെക്ടര്‍ എല്‍. അനില്‍കുമാര്‍, എസ്.ഐമാരായ ജി. അനില്‍, പി.കെ. സക്കറിയ, കെ.ആര്‍. മുരളീധരന്‍, സീനിയര്‍ സിവില്‍ പൊലീസ് ഓഫീസര്‍ ടി.ഇ. യാസര്‍, സിവില്‍ പൊലീസ് ഓഫീസര്‍മാരായ കെ.ആര്‍. രജീഷ്, എം.എസ്. സന്ദീപ് എന്നിവരാണ് അന്വേഷണ സംഘത്തിലുള്ളത്. പ്രതിയെ കോടതിയിൽ ഹാജരാക്കി.
Post Your Comments