വിദേശ മദ്യവില്പന : യുവാവ് അറസ്റ്റില്‍

കൊല്ലം: വാടക വീട് കേന്ദ്രീകരിച്ച്‌ വിദേശ മദ്യവില്പന നടത്തിയ യുവാവ് പൊലീസ് പിടിയിൽ. ഇടവനശ്ശേരി ആലുവിള വീട്ടില്‍ ബിജു (48) ആണ് പിടിയിലായത്.

കൊല്ലം കുന്നത്തൂര്‍ മൈനാഗപ്പള്ളി ഉദയ ജംഗ്ഷന് സമീപം വാഴോട്ട് തറയിലാണ് സംഭവം. ശനിയാഴ്ച വൈകിട്ട് പട്രോളിംഗിന് ഇറങ്ങിയ ശാസ്താംകോട്ട പൊലീസ് വാടക വീട് കേന്ദ്രീകരിച്ച്‌ മദ്യവില്പന നടത്തുന്നുവെന്ന വിവരത്തെ തുടര്‍ന്നാണ് പരിശോധനയ്ക്ക് എത്തിയത്.

Read Also : സഞ്ചാരികളെ ആകർഷിക്കാൻ വിന്റർഫീൽ, അത്യാധുനിക സംവിധാനങ്ങളുള്ള പുതിയ റിസോർട്ട് ഇന്ന് ഉദ്ഘാടനം ചെയ്യും

മദ്യം വാങ്ങാനെത്തിയ ഒരാള്‍ പരിശോധനയ്ക്ക് എത്തിയ പൊലീസിനെ കണ്ട് ഓടി രക്ഷപ്പെട്ടു. ബിജു താമസിച്ചിരുന്ന വാടക വീടിന്റെ തിണ്ണയില്‍ സൂക്ഷിച്ചിരുന്ന വിറകിനടിയില്‍ നിന്ന് 7 ലിറ്റര്‍ വിദേശ മദ്യവും പിടിച്ചെടുത്തു.

പ്രതിയെ കോടതിയിൽ ഹാജരാക്കി.