ലോക അൽഷിമേഴ്‌സ് ദിനം 2022: ചരിത്രം, പ്രാധാന്യം, തീം, രോഗത്തിന്റെ സൂചനകൾ എന്നിവ മനസിലാക്കാം

ഒരു വ്യക്തിക്കും അവരുടെ പ്രിയപ്പെട്ടവർക്കും അനുഭവപ്പെടുന്ന ഏറ്റവും ക്രൂരവും വേദനാജനകവുമായ രോഗങ്ങളിൽ ഒന്നാണ് അൽഷിമേഴ്‌സ് രോഗം. രോഗത്തിന്റെ വീഴ്ചകളെ കുറിച്ച് അവബോധം വളർത്തുന്നതിനും അത് അനുഭവിക്കുന്നവരെ പ്രചോദിപ്പിക്കുന്നതിനുമായി ലോകമെമ്പാടും സെപ്റ്റംബർ 21 ന് ലോക അൽഷിമേഴ്‌സ് ദിനം ആചരിക്കുന്നു.

ഒരു വ്യക്തിയുടെ മെമ്മറിയെയും മറ്റ് മസ്തിഷ്ക പ്രവർത്തനങ്ങളെയും നശിപ്പിക്കുന്ന ഡീജനറേറ്റീവ് മസ്തിഷ്ക രോഗങ്ങളായ അൽഷിമേഴ്‌സ് രോഗത്തെയും ഡിമെൻഷ്യയെയും കുറിച്ച് ഓർമ്മിക്കാനും അവബോധം വളർത്താനുമാണ് ലോക അൽഷിമേഴ്‌സ് ദിനം ആചരിക്കുന്നത്.

രോഗത്തെക്കുറിച്ച് അവബോധം വളർത്തുന്ന അന്താരാഷ്ട്ര ഫെഡറേഷനായ അൽഷിമേഴ്‌സ് ഡിസീസ് ഇന്റർനാഷണൽ (എഡിഐ) ആചരിക്കുന്ന വാർഷിക ലോക അൽഷിമേഴ്‌സ് മാസത്തിന്റെ ഭാഗമാണ് ലോക അൽഷിമേഴ്‌സ് ദിനം.

ലോക അൽഷിമേഴ്‌സ് ദിനം 2022: ചരിത്രം

ചർമ്മ സംരക്ഷണത്തിന് നാൽപ്പാമരാദി തൈലം ഉപയോഗിക്കൂ, ഗുണങ്ങൾ ഇതാണ്

1994 സെപ്റ്റംബർ 21-ന് എഡിൻബർഗിൽ നടന്ന എഡിഐയുടെ വാർഷിക സമ്മേളനത്തിന്റെ ഉദ്ഘാടന വേളയിലാണ് ലോക അൽഷിമേഴ്‌സ് ദിനം ആദ്യമായി ആചരിച്ചത്. അലോയിസ് അൽഷിമർ എന്ന ഒരു ജർമ്മൻ സൈക്യാട്രിസ്റ്റ് 1901-ൽ 50 വയസ്സുള്ള ഒരു സ്ത്രീയിലാണ് ഈ രോഗം ആദ്യമായി കണ്ടെത്തിയത്, അതിനാൽ, ഡീജനറേറ്റീവ് രോഗത്തിന് അദ്ദേഹത്തിന്റെ പേര് ലഭിച്ചു.

ലോക അൽഷിമേഴ്‌സ് ദിനം 2022: പ്രാധാന്യം

അൽഷിമേഴ്‌സ് ഡിസീസ് ഇന്റർനാഷണലിന്റെ കണക്കനുസരിച്ച്, 2020ൽ ലോകമെമ്പാടും 55 ദശലക്ഷത്തിലധികം ആളുകൾ ഈ അസുഖം ബാധിച്ചു. ഓരോ 20 വർഷത്തിലും ഈ എണ്ണം ഇരട്ടിയായി വർദ്ധിക്കുന്നു. 2030-ൽ 78 ദശലക്ഷം ഡിമെൻഷ്യ കേസുകളും 2050-ൽ 139 ദശലക്ഷം കേസുകളും ഉണ്ടാകുമെന്നാണ് നിഗമനം.

ഡിമെൻഷ്യ ബാധിച്ചവരിൽ 50% മുതൽ 60% വരെ അൽഷിമേഴ്‌സ് രോഗം ബാധിക്കുന്നതായി കണ്ടെത്തിയിട്ടുണ്ട്. പ്രായമായവരിൽ ഡിമെൻഷ്യയുടെ ഏറ്റവും സാധാരണമായ കാരണം അൽഷിമേഴ്‌സ് രോഗമാണ്. രോഗത്തെക്കുറിച്ചും അത് ഒരു വ്യക്തിയുടെ ദൈനംദിന ജീവിതത്തെ എങ്ങനെ ബാധിക്കുമെന്നും ജനങ്ങളെ ബോധവാന്മാരാക്കാനാണ് ലോകമെമ്പാടും ഈ ദിനം ആചരിക്കുന്നത്.

ലോക അൽഷിമേഴ്‌സ് ദിനം 2022: തീം

മദ്യവും ലോട്ടറിയുമല്ല കേരളത്തിന്റെ മുഖ്യ വരുമാനം: ഗവർണറുടെ വാദങ്ങൾക്ക് മറുപടിയുമായി മുഖ്യമന്ത്രി

കഴിഞ്ഞ വർഷത്തെ കാമ്പെയ്‌നിന്റെ തുടർച്ചയായി, ഈ വർഷവും 2022 ലെ ലോക അൽഷിമേഴ്‌സ് ദിനത്തിന്റെ തീം ‘ഡിമെൻഷ്യയെ അറിയുക, അൽഷിമേഴ്‌സിനെ അറിയുക’ എന്നതാണ്.

വ്യക്തികളിൽ അൽഷിമേഴ്സ് രോഗത്തിന്റെ ചില പ്രധാന ലക്ഷണങ്ങൾ

അൽഷിമേഴ്‌സ് രോഗത്തിന്റെ ആദ്യത്തേതും ഏറ്റവും പ്രകടമായതുമായ ലക്ഷണം ദൈനംദിന ജീവിതത്തിന്റെ പ്രവർത്തനങ്ങളെ തടസ്സപ്പെടുത്തുന്ന ഇടയ്‌ക്കിടെയുള്ള ഓർമ്മക്കുറവാണ്. അൽഷിമേഴ്‌സ് രോഗമുള്ള ആളുകൾക്ക് സാധാരണയായി ജീവിതകാലം മുഴുവൻ അവർ ചെയ്യുന്ന ജോലികൾ പോലും പൂർത്തിയാക്കുന്നതിൽ പ്രശ്‌നം അനുഭവപ്പെടുന്നു.

ചില രോഗികൾക്ക് ദൈനംദിന ജീവിതത്തിൽ അവരുടെ സംസാരത്തിൽ പ്രശ്നങ്ങൾ നേരിടേണ്ടി വന്നേക്കാം. പുതിയ വാക്കുകൾ മനസ്സിലാക്കുന്നതിലും അവർക്ക് പ്രശ്‌നങ്ങൾ നേരിടേണ്ടി വന്നേക്കാം. വിഷ്വൽ ഇമേജുകൾ മനസ്സിലാക്കുന്നതിലും പുസ്തകങ്ങളും മറ്റ് തരത്തിലുള്ള ടെക്‌സ്‌റ്റുകളും വായിക്കുന്നതിലും അവർക്ക് പ്രശ്‌നങ്ങൾ നേരിടേണ്ടി വന്നേക്കാം.