‘ചീറ്റകളും മനുഷ്യരും തമ്മിൽ സംഘര്‍ഷമുണ്ടായേക്കാം’: 24 മണിക്കൂറും നിരീക്ഷണം, വിലയിരുത്തലിന് പിന്നിലെ കാരണമിത്

ന്യൂഡൽഹി: ഇന്ത്യയിൽ ചരിത്രപരമായ പുനരവലോകനത്തിന്റെ ഭാഗമായി ആഫ്രിക്കയിൽ നിന്ന് എട്ട് ചീറ്റകളെ കൊണ്ടുവന്നതോടെ ഇവയെ സംബന്ധിച്ച് വന്യജീവി വിദഗ്ധര്‍ ചില ആശങ്കകളും പങ്കുവെച്ച് തുടങ്ങി. ചീറ്റ വേട്ടയാടിയാണ് തന്റെ കുഞ്ഞുങ്ങളെ വളർത്തുന്നതെന്ന് പറഞ്ഞ പ്രമുഖ വന്യജീവി സംരക്ഷകനായ വാൽമിക് ഥാപ്പർ ഇതുസംബന്ധിച്ച തന്റെ ആശങ്കയും പങ്കുവെച്ചു. മധ്യപ്രദേശിലെ കുനോ നാഷണൽ പാർക്കിൽ സ്ഥലത്തിന്റെയും ഇരയുടെയും അഭാവം ചീറ്റകളിൽ ഭാവിയിൽ പ്രശ്നങ്ങൾ സൃഷ്ടിക്കുമെന്ന് അദ്ദേഹം പറയുന്നു. എൻ.ഡി.ടി.വിക്ക് നൽകിയ അഭിമുഖത്തിൽ സംസാരിക്കുകയായിരുന്നു അദ്ദേഹം.

‘ചീറ്റയുടെ പ്രധാന ശത്രുക്കളായ കഴുതപ്പുലികളും പുള്ളിപ്പുലികളും നിറഞ്ഞതാണ് ഈ പ്രദേശം. ആഫ്രിക്കയിൽ കണ്ടാൽ ഹൈനകൾ ചീറ്റപ്പുലികളെ ഓടിക്കുകയും കൊല്ലുകയും ചെയ്യും. പാർക്കിന് ചുറ്റും 150 ഗ്രാമങ്ങളുണ്ട്. ചീറ്റകളെ ആക്രമിക്കാൻ കഴിയുന്ന നായ്ക്കളുണ്ട് ഇവിടെ. ഭൂമിയിലെ ഏറ്റവും വേഗതയേറിയ സസ്തനിയായ ചീറ്റയ്ക്ക് അതിന്റെ ആക്രമണകാരികളെ മറികടക്കാൻ കഴിയാത്തത് ഭൂപ്രകൃതിയിലെ വ്യത്യാസം കൊണ്ടാണ്. സെറെൻഗെറ്റി (ടാൻസാനിയയിലെ നാഷണൽ പാർക്ക്) പോലെയുള്ള സ്ഥലങ്ങളിൽ, വലിയ പുൽമേടുകൾ ഉള്ളതിനാൽ ചീറ്റകൾ ഓടിപ്പോകും. കുനോയിൽ, നിങ്ങൾ വനഭൂമിയെ പുൽമേടാക്കി മാറ്റിയില്ലായെങ്കിൽ, അത് ഒരു പ്രശ്നമാണ്. കല്ലുകൾ നിറഞ്ഞ നിലത്ത് വേഗത്തിൽ കുതിക്കുമ്പോൾ തടസ്സം നേരിട്ടാൽ ചീറ്റകൾക്ക് അതൊരു വലിയ വെല്ലുവിളിയാണ്. വിശാലമായ സ്ഥലമാണ് ഇവർക്ക് വേണ്ടത്’, അദ്ദേഹം പറഞ്ഞു.

‘സർക്കാരിന് വനഭൂമിയെ പുൽമേടാക്കി മാറ്റാൻ കഴിയുമോ? നിയമം ഇത് അനുവദിക്കുമോ,’ അദ്ദേഹം ആലങ്കാരികമായി ചോദിച്ചു.

Also Read:‘കേരളത്തെ ബഹിഷ്കരിക്കുക, അവരുടെ ഉത്പന്നങ്ങൾ വാങ്ങരുത്’: മലയാളികൾ നായ്ക്കളെ കൂട്ടക്കൊല ചെയ്യുന്നുവെന്ന് നടി കരിഷ്മ

കുനോയിൽ, നാം കൃഷ്ണമൃഗങ്ങളെയോ ചിങ്കരകളെയോ (പുൽമേടുകളിൽ വസിക്കുന്ന) വളർത്തി കൊണ്ടുവന്നില്ലെങ്കിൽ, ചീറ്റകൾ പുള്ളിമാനുകളെ വേട്ടയാടും. ഈ മാനുകൾക്ക് വലിയ കൊമ്പുകളുമുണ്ട്, അവ ചീറ്റയ്ക്ക് പരിക്കേൽപ്പിക്കുകയും ചെയ്യും. ചീറ്റകൾക്ക് പരിക്കുകൾ താങ്ങാൻ കഴിയില്ല, ഇത് അവയ്ക്ക് മാരകമാണ്. ഉള്‍ക്കാട്ടിലല്ലാതെ പുല്‍മൈതാനങ്ങളിലും തുറന്നസ്ഥലങ്ങളിലും വിഹരിക്കാനിഷ്ടപ്പെടുന്ന ചീറ്റകളും മനുഷ്യരുമായി സംഘര്‍ഷമുണ്ടാകാന്‍ സാധ്യതയുള്ളതായും വിലയിരുത്തപ്പെടുന്നു.

നമീബിയയിൽ നിന്ന് കൊണ്ടുവന്ന എട്ട് ചീറ്റകൾ ഇപ്പോൾ മധ്യപ്രദേശിലെ കുനോ നാഷണൽ പാർക്കിലാണുള്ളത്. ഇവയെ 24 മണിക്കൂറും നിരീക്ഷിക്കുകയാണ്. കടുവയുടെ മുഖം വരച്ച വിമാനത്തില്‍ പ്രത്യേകം തയ്യാറാക്കിയ എട്ടുകൂടുകളിലാണ് ചീറ്റകളെ എത്തിച്ചത്. നാലു കൂടുകള്‍ മുന്നിലും ബാക്കി പിന്നിലുമായാണ് ക്രമീകരിച്ചത്.